|
جابر انا يابوك ضايق ومهموم
جابر انا يابوك ضايق ومهموم=الهم داخل بي ومحدن درابي
خصن ليا من قامت تضيق وتزوم=تضرب على قلبي قسى ماتهابي
عيت تفك القلب يومن ورا يوم=متمكنه داخل عساهاا الذهابي
عجزت اوقف وانهض النفس واقوم=لمن بقيت انهض يزيد الصوابي
الحال من فرقا اريش العين مضيوم=ياشين فرقا اللي غلاه التوابي
في غيبته مافيه راحه ولانوم=عفت المقات وعفت لذة شرابي
ياشين حالي عقبكم صار معدوم=يامطلعن شيبي وانا في شبابي
يالو خلق الله يقولون مرحوم=اخير والله من عناي وعذابي
التعديل الأخير تم بواسطة العــــديم ; 16-06-2011 الساعة 05:43 AM
|
21-05-2011, 02:46 AM
العرض الشجري