ماني وأنا بندر .. (بندر بن سرور)

مـحمـد · #1 25-02-2004, 02:54 AM

السلام عليكم

هذى مشاركه مني قرأتها في أحد الكتب للشاعر الراحل بندر بن سرور وحبيت أنقلها لكم

ويعد من الشعراء المتميزين في هذا العصر .

وقد ترك تراثاً شفهيا يمتاز بالجوده وقوة الاسلوب , وهاتان القصيدتان من أشهر قصائده اصبحت الكثير من ابياتها مضربا للمثل .

القصيده الاولى :

القصيده الثانيه :

يامل قلب كل ما مات همه=دارت دواليب الدهر لين تحييه
أحد ينام وحط راسه بكمه=واحد تخم النوم عينه وتخطيه
واحد يحاول بالردى بنت عمه=واحد يحاول ستر عذرا عوانيه
انشدك ياللي كل شي تتمه=تقرا الكتاب وكل فرض تصليه
ويش القليب اللي عميق مجمه=ماسر غرسه ماه عطشى سوانيه
سم السبب ياعارف عنه سمه=سم السبب ياعارفه قبل اسميه

للشاعر بندر ابن سرور ورحمه الله

فيصل بن حجرف · #2 25-02-2004, 11:39 AM

لاهنت يالعجمي والله يرحم بندر ابن سرور
وياليت لو عندك المزيد من قصائد هذا الشاعر انك تنقلها لنا

ولك مني كل التحيه

cool · #3 25-02-2004, 06:37 PM

السلاااام عليكم ورحمة الله وبركااااته

صح لساااانك ALAJMI والله يعطيك العااافيه والله يرحم الشااااعر المبدع

بندر بن سرور .

وبعد اذنك ALAJMI هذي بعد من قصااايده :

ماني وانا بندر على درب الأنجاس
اللي قريبٍ تفلها من لحاها

أنا بدرب الصيرمي عدم الأجناس
زيزوم روق ليا تنصّت عداها

واهنا يقووول في الونيت

يا هل الونيت اللي على مدقره ميم
نقل الرياض الخط ما توصلونه

صنّاعته مخطين ملّة ابراهيم
حمران رومٍ لونهم مثل لونه

والله لو أمسك طارته يا مغانيم
ما عاد أقلّد دولةٍ يصنعونه

واهناا بعد يقوول في الدووج

الا يا نديبي فوق دوج عليه شراع
ما قال انفخ التشريق جا في مواصيره

ليا هبّت العليا و قام العجاج و راع
يهيضك مع السكة تثاوع معاصيره

صنايع يهودٍ لا يبدّل ولا ينباع
يقربك من دار و يقلعك عن ديرة

ويقوول في النصح

حتى أيش لو يفرش لك القاع زلّي
من لا يخاف الله حرامٍ حلاله

عليك باللي للجماعة يهلّي
اللي كما النثلة منارة دلاله

بالرجل شايتين حداهن يدلّي
و ان كبهن ماهوب ويّا الرجالة

ليا صار ما به دين مع زين دلّي
جعله من الدنيا تقطّع حباله

وقصيده اخرى

هات الربابة و احكر الشاي يالثور
انته حشرك بليس و انا هواوي

مقيالنا في سدرة طورها طور
يسوى حياة اللاش كلب القهاوي

منقول عن شبيب الدعجاااني

كـووول

مـحمـد · #4 25-02-2004, 08:11 PM

ولا انت يالعجمان

وابشر انشاءلله وحبيت انوه ان الشاعر له ديوان متكامل وقصايده كلها جزله

ويعافيك اخي كول والله لايهينك على الابيات اللى نقلتها

وفيه له قصيده بعد بالفرت يعنى السياره الفورد

gft · #5 26-02-2004, 05:35 PM

الغالي
العجمي
صح الله لسانك
ولسان الشاعر المعروف
بندر بن سرور العتيبي
من الشعراء اللذين يشار
لهم في البنان فعلا
برحيل الشاعر
بندر بن سرور
خسرت ساحة
الشعر احد
افضلها
ننتظر المزيد
أعطر وأرق
تحياتي

مـحمـد · #6 26-02-2004, 05:59 PM

شاكر لكم مروركم

وراعى العشوى كلامك صحيح

مـحمـد · #7 16-06-2004, 11:48 AM

يخوان من يعرف قصيدته في الفرت الفورد ؟