صدقني ماضقت من فرقاك بالمره,,

[عجميه كيوت]

بسم الله الرحمن الرحيم

السلام عليكم ورحمة الله وبركاته

أسعد الله أوقاتكم بكل خير أعضاء وزوار منتدى العجمان

هذي القصيده صارلي فتره أكثر من شهرين تقريبا أبي أنزلها لكم وأنساها << عسى ماشر

للشاعر // ثامر شبيب

أتمنى أنها ترتقي لذائقتكم



اتعبت نفسي وجوالـي وانـا افـره
عليك ياللي ماعـاد اتطيـق جوالـي

ادق واسئل عن احوالـك كـذا مـره
من طيبتي كل مامريـت فـي بالـي

ماكنت احسبك عديم احساس بالمـره
مستخسر انك ترد تسئل عن احوالـي

والله وطلع لك اسـم ياتابـع الجـره
ماكنك اللي ربيت اسنين في ظلالـي

اصغر من انك تذل القلـب وتضـره
كافي معك ضاعت اسنينه على الخالي

انكان نفسـك عشـان ابيـك مغتـره
والله لا اعلمك وشهي قيمـة امثالـي

ماتدري ان الحـرار قلوبهـا حـره
ان عزمت تقلب الاول علـى التالـي

قل للسنيـن العـذر لاعـاد تتشـره
في عز ماضقت ماحصلتـك قبالـي

خليتني والوجيـه البيـض مسمـره
تضحك علي الليالي بوجـه عذالـي

لكن وعد لشتـري لـك ورد واثـره
على فراقك واسـوي حفـل بلحالـي

واعزم هداياك اللـي داخـل الجـره
اللي قبل يوم كانـت ذكـرة الغالـي


واحرق هذاك الزمن وافتك من شـره
واعيش عمري بلا همـي وغربالـي

صدقني ماضقت من فرقـاك بالمـره
بس ماذبحني سـوا حاجـه بجوالـي

تدري وش اللي ذبح قلبي من الحـره
اني مخزنـك فـي جوالـي الغالـي

وسلامتكم

دمتم بود