***صــــــاحبــــــــى***

[السنـــــافية]

صاحبي من صافي النيه ومن زود الغـرام = من عشيرٍ ذاق هجـرك ياوليفـي واجزعـه
والله انه يوم حبك مانـوى حشـد الخصـام = ولاهقى حبل المواصـل ياحبيبـي تقطعـه
جاك كله مستفيض الحب مـن قلبـه وهـام = ينفعـه لاقلـت احبـك .. والله انـه ينفعـه
عاشقٍ اسقى عروقك بااعذب اسلوب الكلام = من مشاعر صادقه ماهوب هـرجٍ يسمعـه
قلت لك كلمة .. احبك .. قلتها لك بااحتشام = مالقيت الا جفـاً اشجـى فـؤادي وافزعـه
والله اني قمت اهوجس .. كيف لبّاس اللثام؟= يآخذه حد الغـرور ومـن خفوقـي ينزعـه
تدري انك مخطي بحقي .. وحقي مايضـام = ولوبغيت افرض وجودي من زمان مصنعـه
ع انا مابي غـرامٍ آخـره حـزن ومـلام = مادنى مـن طيـب خاطـر الله انـه يقلعـه
حبٍ يسل الكبود ويـودع العاشـق حطـام= الله انـه يلعـن اسبابـه ويلعـن مرجـعـه
ماوصلت لحد انـي اشـرب الـذل وانـام = واحلف اني ماوصلته..وان وصلتـه بقمعـه
خافقي لامن حمل حـبِ يذلـه ل.. انتقـام = لقطعه من حد عرقه ومن ضلوعي ل..اشلعه
مارضى حرٍ يصير العبد في دنيـا الغـرام = لعنبـوا حـبٍ يذلـه لعنبـوا حـبٍ معـه
والا انا ماكنت احاول اتقي رمـي السهـام = لين شفت الـي غبنّـي (تحسبنـي ببلعـه؟)
الفرح وهـو الفـرح مابيـه لاهـز المقـام = دامه ينادي على قلـب المشقـى بااصبعـه
صاحبي لاتتحـد وتضيـع والدنيـا زحـام = وقتها مـاضِ المشاعـر مستحيـل ترجعـه
وان صدقتك بالنهايه خير من درب الظـلام= عاشـقٍ مبعثـرٍ حبـه ونــاوي يجمـعـه
الله انه يودعـك حفظـه وستـره والسـلام = وترحلين لموطنك من دون خوف وزعزعـه
لن لو وده يطـول الوقـت حبـي مايسـام = ولو يجي غيرك يبا مربـاع قلبـي يمنعـه
ارحلي من دون شك ولو مضى شهر الصيام = مانسى قلبـي عشيـرِ راح عمـري يتبعـه
بس اجدد عهدنا الي فات وعروقـي هشـام = يـوم قلتيلـي نمـوت وحبنـا مانصرعـه
والعتب لاجاك مني جاك مـن زود احتـرام = جاك من خلٍ يبـي خلـه يعيـش يشجعـه
والقصيده هذي آخـر مابـدى منـي وشـام = باقـي بتاريـخ عمـري مااعتقـد بضيعـه
دام شعري مالقا مـن صاحبـي اي اهتمـام= ليه اكلف خاطري وانـزف غـلا وسمّعـه

وسلااااااامتكمممم



منقول