لي متى يامه الدين

[سعــود المهــان]

قصيده لا اخوي عايض المهان واتمنى ان تعجبكم وهي قصيده عامره بالدعاء وطلب العفو والمغفره من الله

والله ان ما يقهر الرجـل لـو انـه صبـور
ويجعله ياتـي مـن اقصـاه ويبيـح خفـاه

كود سر بين الاضـلاع مـا هـو بمخبـور
وكـود حلـم لا تحقـق ولا سـج ونـسـاه

رب يا رحمن ذو الملك مـا غيـرك غفـور
اغفـر ذنوبـي ويسـر لـي امـور الحيـاه

واهدني واعصمني مـن المفاسـد والفجـور
وثبت اقدامي علـى الحـق فـي كـل اتجـاه

واحمني من فتنه ابليس فـي كـل امحظـور
واعطنـي حـب لطاعـتـك واداء الـصـلاه

يـا الهـي ابعـد الحقـد عنـي والـغـرور
والكسـل والجبـن والغبـن والبخـل وزراه

والطمع والهـم وسـوء التصـرف والثبـور
والنميمـه وانـعـدام البصـيـره والـبـذاه

والمرض والفقر وخبـث السريـره والدبـور
وحـدت الحاجـه علـى واحـد سـي نبـاه

والجهل وسوء الاخـلاق وافعـال الشـرور
والحسد والظلم والبطـش وسلـوك الطغـاه

والكبر والكـذب وحـب المظاهـر والظهـور
والتمـلـق ونـفـاق التصـنـع والـدنـاه

ومدني يا باعث النـور مـن عنـدك بنـور
واعطني الحكمه ومـع طيبيـن الذكـر جـاه

رب وارحـم والدينـا يـا جبـار الكـسـور
واعطنا(ف)الاخـره عفـو والدنيـا الغـنـاه

واغفـر لشيبانـا اللـي تهابهـم النـمـور
انهـم لوجهـك مطيعيـن ولغيـرك اعصـاه

رحمتك يا رب لي حشر جت وسـط الصـدور
وانتهى الاجل المسمى وجـاء وقـت الوفـاه

احمني من وحشة القبر مـن قبـل النشـور
واجعله روض من الخلد وانـور لـي دجـاه

يـا الهـي انـي اوحـدك فــي كــل دور
انـت ربـي انـت الهـي ولا غيـرك الــه

ياالهي انـي اعيـش فـي عصـر الحـدور
للمبـادى والحضـارات وافـكـار الــرواه

عصـر حـب المـاده والتنـكـر للـجـذور
عصر بعـد امـة محمدمـن الديـن وهـداه

الفساد اصبح سمه والستـر اصبـح سفـور
والقيـم ضاعـت والانسـان فقـد مستـواه

يا الهي صار من هـو علـى دينـه غيـور
مثل من يمسك على الجمـر يحرقـه بلظـاه

عصر تكثر فيـه افـات وامـراض ودهـور
والكـوارث والوفـيـات يــا الله النـجـاه

كن الارض اضحت مساحـه كبيـره للقبـور
كل ما حطيـت رجلـك علـى باقـي رفـاه

عصر تتكالـب علينـا العـدا مثـل النسـور
كل نسـر مـن لحمنـا يبـي ياخـذ عشـاه

عصر صارت فيه مقدسـك حانـات وخمـور
نجسوها بعد مسرى الرسـول اللـي سـراه

والتتـر عـادوا لبغـداد مـن كـل الثغـور
المغـول احفـاد جنكيـز كـلا مثـل ابــاه

بالصواريخ احراقوا واهدمـوا كـل معمـور
دمروها يا عرب يـا عـرب ويـش السـواه

مو ت طفل ونوح ثكلى يذوب لهـا الشعـور
او يتيـم ذبحـوا اهلـه يزلزلـنـا ابـكـاة

زمـره ملـوا ارض الله فـسـاد وجــور
كـان للشـر اجنحـه اليهـود اهـم النـواه

ما نسينا يـا بريطانيـا مـن بـل ....فـور
وما نسينا يـا امريكـان (باك)ومـن معـاه

خططـوا للصهينـه وزرعوهـا بالنـحـور
وضربونـا بالصميـم الخنـازيـر البـغـاة

الصليبـيـه عليـنـا حرايبـهـا تـــدور
وحن ندور حل سلمـي وهـم جونـا اغـزاه

لي متى يضحـك علـى دقونـا والله عـور
لي متى طمـس الحقائـق وتكميـم الفـواه

لي متى ناقف كـذا عالـم مـن دون شـور
مثـل مجموعـه بهايـم تفرقهـا العـصـاه

لي متى يـا امـة الديـن خـذلان وحقـور
بـس يكفينـا تـشـرذم ويكفيـنـا انــاة

اوقفوا وقفه فـداء اوقفـوا وقفـه جسـور
وقفـه تقمـع هـل الشـرك وتـذل العـداه

صف واحد ما يزعـزع مثـل بنيـان سـور
صـف لعـلا كلمـه الله وللديـن انتـمـاه
ا
ن حن اهل الحرب من عصر مسرجت المهور
وحن هل الوقفـات حنـا الصناديـد الدهـاه

ان حن اللي لجـل الاسـلام عبرنـا البحـور
ان حن اهل الحـق للديـن حاميـن ودعـاه

خير امـة اخرجـت للبشـر عبـر العصـور
دام منـا صـفـوة الخـلـق الله اصطـفـاه