صوتك عﻼج القلب والصدر والروح
..........................يا ضاق صدري والفضا كلّميني
الضحكة اللي كلها ود ومزوح
..........................فدوه لها عمري وباقي سنيني
المشكله وجهك معي وين ما اروح
..........................من وين ما وجّهت قدام عيني
غريق حب وما سكٍ له طرف لوح
..........................أصيح لك بالصوت ﻻ تتركيني
ردّي تراني واهن الحيل مجروح
..........................قبل النهايه حاولي وإلحقيني
إما اتركيني وسط اﻷمواج مطروح
..........................وإﻻ على شط النجاة اسحبيني
وإﻻ ترى ذنبك من القلب مسموح
..........................للموت للبحر الغريق ادفعيني
تعبت من جرحٍ من العام مفتوح
..........................تعبت أقول من التعب عالجيني
ملّيت من بعدك من السهر والنوح
..........................خﻼص من هذا العذاب ارحميني
حبك عﻼج جروح وأسباب لجروح
..........................ﻻ هو على كيفي وﻻ في يديني
والله ما عودت قلبي على البوح
..........................حبك كتمته بين قلبي وبيني
ترى الغﻼ يا صار للناس مفضوح
..........................تفرح به العذال والحاسديني
يا اغﻼ بنات آدم ومن رافقوا نوح
..........................يا وجد حالي من غﻼك وحنيني
ان كان لك في جرح مغليك مصلوح
..........................في كل ساعه با الرموش اجرحيني
ﻻ تاخذك رحمه ليا صرت مذبوح
..........................بسود العيون الناعسات اطعنيني
يا وردةٍ تاخذ من العطر وتفوح
..........................بريح النفل والطيب والياسميني
الشوق والكتمان للروح ذابوح
..........................أخشى يجي يومٍ يبيّح كنيني
أشتاق لك دايم وأنا فيك مشفوح
..........................شوق الفيافي للمطر صدّقيني
ما طالعت عيني ورى كل مملوح
..........................ﻻ اللي يبي بعدي وﻻ اللي يبيني
جيّرت لك حبّي من الروح للرّوح
..........................وهذي على عهد المحبة يميني
08-08-2011, 06:04 PM
العرض الشجري