السلام عليكم ورحمة الله وبركاته
اليكم ما فاضت به القريحة
بعد ما قالوا الكثيرين بأني معتزل للغزل
وهذا شيء من خصوصيات الشخص ولكن
رغبة مني لتلبية طلب هؤلاء الاشخاض جاءت الابيات كالتالي :
حقك تنام الليل مرتاح بالك
........... لني انا موجود اسهر واداريك
خذ راحتي والروح تبقى حلالك
........... والعين تسهر في حماية معاليك
تبقى وحيدي في غلاك ودلالك
........... وفي داخلي بالعشق محد ٍ يوازيك
ليه انا بالذات ؟؟؟ هذا سؤالك
........... قلت الجمال اللي يضمك ويحويك
يا أكحل العينين همت بجمالك
........... ويا ناعم ٍ ما فيه وصف ٍ يحليك
شعرك سواد الليل لا صار حالك
........... ارأف بحال اللي من الحب يرويك
ولخاطرك محروم جوّه صفالك
........... ينسى جروحه وبحنانه يغطيك
وان شكيت الظلم حن وبكالك
........... وان ما طلبته يسألك ويش يعطيك
هذا دليل الحب يومه عطالك
........... قبل السؤال وكل وقته يحاتيك
صابر مع الايام يبغى وصالك
........... ويحن لك قلبه الى مر طاريك
راهن حياته وان وصلته وفالك
........... وان ما تبعته في ضلوعه يخليك
ويفزلك لا قلتله كيف حالك ؟
........... هايم وصايم وان فطر تمرته فيك
عطه المشاعر والحقه باتصالك
........... وبخطوتك ملهوف عاشق يباريك
ابقى مع اللي في غرامه لجالك
........... واقرب من اللي باع غيرك ويشريك
هذي حقوقه وافعل اللي بدالك
........... لكن تذكر جف نبعه يداريك
اتمنى ان تحوز على رضاكم
بندر الفدغوش
19-08-2011, 10:53 AM
العرض الشجري