السلام عليكم ورحمة الله وبركاته
شلونكم انشالله بخير ؟
جبتلكم مجموعة قصايد عن العجمان فديتهم <<
أول شي هذي معلومات عن العجمان
نبذه :
العجمان ينتمون الى المذهب السني ولهم شهره عظيمه بالكرم والصدق , وهم من الاشراف وكانوا اصحاب نفوذ في المنطقه الشرقيه ويرأس العجمان ابن حثلين وهو بيت نبيل واصيل.
النسب:
ان العجمان من ذرية مذكر ابن يام وان نسب العجمان الى يام واقع ومؤكد
ويقال للعجمان اولاد مرزوق بن علي الملقب بعجيم لآفه في لسانه كما ذكرت
ومن ذريته مسعود بن علي بن مرزوق بن هشام : آل ضاعن وآال مصرا وآل شامر
الالقاب:
كثيرا ما تستخدم كلمة آل مرزوق والمرازيق مرادفه لكلمة العجمان
كما قال نغيمش بن هادي الشولاني:
وربعي مرازيق دوا كل عايل ............هرج صحيح واشح وكاد
وقد قال <مرازيق> اي العجمان
هجر العجمان :
هجرة حنــــيـــذ
هجرة الــصـــرار
هجرة الونــــان
هجرة الكـــهــفه
هجرة الزغـــين
هجرة عــريــعــره
هجرة العــيــيــنه
هجرة غنـــوا
هجرة القـــرادى
هجرة الصـــحـــاف
هجرة ام ربـــيــعــه
هجرة قــطــنانه
هجرة البـــره
هجرة ام العــراد
هجرة ام الحــمــام
هجرة الهــلــيــسيه
هجرة هيت <في الرياض قبل الخرج>
هجرة ملــيــجــه
هجرة متــــالع
نبذه عن راكان بن حثلين :
ولد راكان بن حثلين في عام 1230 هـ الموافق 1814 م عندما قتل الشيخ فلاح بن حثلين <والد راكان> عام 1262 هـ خلفه اخوه الشيخ حزام بن حثلين <عم راكان> وبعد ان امضى الشيخ حزام بن حثلين حوالي 15 عاما زعيما للعجمان
تنازل عن زعامته لابن اخيه راكان بن حثلين في عام 1276 هـ بسبب كبر سنه
وبذلك يكون عمر راكان حينما تولى زعامة قبيلته ستة واربعين عاما وقد توفى عام 1310 هـ عن عمر يناهز حوالي 80 عاما
وبذلك تكون فترة زعامته للقبيله هي خمسة وثلاثون عاما .<رحمــه الله>
من كتاب <راكان بن حثلين> لــ يحيى الربيعان
ذكر (سمير قطب )في أنساب العرب وقال
العجمان انهم قوم ذوي بأس وشدة وفيهم من الشيم الفاضلة والمزايا الحسنة ما يجعلك تعي على أنهم صفوة ممتازة وأناس بررة وأعراب أصيلون الأصول وطاهرو المنبت مصلحون عاملون للخير ولإنسانية وصفاتهم تدل عليهم من محاسنهم وسيرتهم في هذه الحياة وهم بعاداتهم دوما يسعون للعمل المجدي الذي ينفعهم في دنياهم وآخرتهم وأعين مجدون لرحة البال والضمير فيهم طيبة واستقامة وذوو نفوس رضية يؤهلون بالضيف ويكرمون كل عابر سبيل ان قصدهم والتجأ اليهم وهم بأفعالهم وتصرفاتهم وما يصدر عنهم محبب الى النفس والنفس منجذبة اليه لأنه يصدر عن اخلاص في نضارة وعن كرم في طهارة وهم ربيع أمتهم وقوتها العاملة وأملها الصادق يصبرون على المكاره ويثبتون للخطوب وهم قبيلة من أشد العرب بأسا وأقواها في الحرب مراسا
قصيدة في بني عمي طويله
على الصخري أحاول وأرتكي له
بني عمي سلاطين المجالس
شياطيـــــن الوغا عــــــــز القبيله
نزلنا والطويل يقود جمعه
رجال(ن) من ســــلالات نبيــلــــه
سكنا في رحى وادي يهول
وكل(ن) بالشدايـــــد يحتمـــــي له
وفي ليل العيينه والبنادق
بطشنــــــا في فهـــد ويا عميلـــــه
خذينا ثار ضيدان بن خالد
ومن يغــــــدر بنـــا يا عزتيــــــــله
تشوف الجمع يمناك ويسارك
مع خيــــــل تعلى فــــي صهيلـــــه
تفج نحورن فرسان ومشايخ
وكل(ن) بالوغـا (( خلى خليلــــــه ))
وفي جوده مع كنزان نفخر
وبالهيجـــــا فعايلنــــــــا جزيلــــــه
(محافيظ) المراجل والكرامه
هل الطولـــــه فعايلهم جميلـــــه
(نواجع) للزمن عز وشكاله
مكانتهم على راس الطويلــــــه
(بني هادي) طحاطيح المجالس
رجالن ماتعرف المستحيلـــــــه
(وآل سلبه) زيازيم الحرايب
رجال(ن) مايعرفون الهزيلــــــه
(آل مصرا ) صناديد الفعايل
رجالن مايعرفون الثقيله
(وآل ريمه) مشاكيل ودواهيل
ليا ركبو على سرج الكحيــــــله
(صوالح) ياسعد منهم سناده
رجال(ن) ما تعذربهم فشيلــــــه
مع (آل لزيز) نفخر في نسبنا
ليا ثار الفشـق قــــــدح الفتيلــــه
(شوامر) لا اعتلى صوت البنادق
كبوووود إللي تحاربهم عليلــــه
(هتالين) الحرايب والمعزه
ومن يغزي عليهم طاح حيلـــــه
(سفارين) الكرم والجود فيهم
ومدحي في فعايلهم قليلــــه
(ضواعن) هم بعيدين المغازي
سمات المرجله فيهم خصيله
(وآل حبيش) ذربين المعاني
وكم شيخ تعجل في رحيله
(وآل خويطر) رجال الملاقا
وكم شيخن رجيله ماتشيله
(وآل سليمان) زبن المجرمينا
سيوف للعدا دايم صقيله
(وآل وبير) فرسان الصعايب
كما ويل تحدر من مخيله
(وآل مفلح) مصاعيط المجنن
يعاون صاحبه دايم عليله
(وآل عرجا) أجاويد وأكارم
ألا ياويل غازيهم ياويله
مرازيق محزمه القنازع
وياميه خناجرهم سليله
سلام الله على يام العريضه
سلام يعتني لي وأعتني له
..........................
حنّا عجمــــان ياجاهلين الافعال العتيقــــه*
قايدين الحروب وأسمنا في التاريخ عالي
مع راكان شيخنا راعي السيف والحقيقـه*
شيــــخ القبيله وافـــي العهد وطيب الفالي
حنّا عجمان ياجاهلين الأصول العريقـــــه*
رافعين الســيوف السليله مقلطين الدلالي
حنّا لامن بغيــنا الفـــــخر دلينا طريقـــــــه*
لكن حنّا وبليا فخــــــر في مقـــــــام مثالي
حنّا عجمــــان لابغينا عطينا الشفيقــــــــه*
لمنهم ضعاف النفـوس ومكّثرين السؤالي
حنّا كما بركـــــان لاثار انتشر حريقـــــــه*
مخمدين الحــــروب الي اوقدتها الليــــالي
حنّا عجمــــان وقــدنا أحسن الخليقـــــــه *
مايوم عرفنا الضيم وجهــــلنا التعــــــالي
حنّا في فزعتنا نضاهي الغزلان الرشيقه *
تعالوا شوفونا عجمــــان وقصرنا عــالي
......................................
قصيده عن اهل الطيب والكرم العجمان.. للمبدع لشاعر الوطن : فالح بن قشعم..
يامطلق بعـد راق جـوّ القصيـد وزان
ولاتهون صلّح لـي مـن البـنّ بريّـه
صحيح البناخي مايؤمّر علـى العمّـان
لكنّك ياعميّ رجـل روحـه رياضيّـه
تعذر المهوجس لا أشغله ساجع الالحان
لاغيّب ودش اجواء القصيـد الخياليّـه
ماعاد ايعرف سلطان من صاحبه سلمان
ياكون البيوت الليّ من البـدع ممليّـه
وانا والله ان قد ليّ وانا للغنى شفقـان
بعد مانتهى الشهر الفضيل ومساعيّـه
وجا العيد جعل الله يعيده على الاوطان
بأهليه واشعـوب الخليـج وضواحيّـه
سلامي سلام اسلام ماغاب نجم وبـان
وماحنّت ارعـود السحـاب الركاميّـه
على قوم اخو لجعه حريب الردى راكان
حميد السجايـا مقـدم القـوم فالهيّـه
اكبار الجموع امطوّعت عاصية الارسان
بيومٍ عبوسٍ يفرق الحـيّ مـن حيّـه
هل المدح والناموس من ماضي الازمان
ومطاليق واعلـوم المطاليـق مسميّـه
انا اقدّر العجمـان واوجـب العجمـان
لو ان ماني بعجمي ولا امـيّ بعجميّـه
لكن بيننا حلف ونسب والصحيح اخوان
وربـع ورفاقـه والعـلاقـات وديّــه
نحب امحلفنا حـب عبـدالله لسلطـان
وهـم مثلنـا والحـب فطـره الهيّـه
توثّق محبتنـا المواجيـب والصفطـان
واعلوم الرجال الليّ على الطيب مبنيّـه
ماننقاد للخبلان لارحـم ابـو الخبـلان
سرابيت مافهيـم مـن العقـل ذريّـه
بزارين كل منهـم يحسبنّـه الفهمـان
حفظ له اعلوم وجاك يسـرد حكاويّـه
كتب له قصيده كلها حكي مالـه شـان
وهو خارج انطـاق الحـدود المحليّـه
يشب الحطب وايروح ماكن شيٍ كـان
وتبلش بـه اكبـار العقـول بدعوايّـه
وهو لوّ تهوشه فالعصى طوّح السيقان
حذف غترتـه واللـيّ تشلّـه مخابيّـه
راع الفعل مايقدم على الزور والبهتـان
ولايبخس احقـوق الرياجيـل موليـه
يعرف الاصول ويكرم الجار والضيفـان
وبتّـاع لاعالـو عـيـال الحرامـيّـه
مايجحد افعول اهل المواجيب والعرفان
ياكون الرخوم امن العـروق الدوينيّـه
لفت دعوت الداعـي ولبيتهـا طربـان
والمصافـح الوفيـن نفسـي شفاويـه
وانا باسم قومٍ فاللقا تتعـب الفرسـان
اكبار المحازم طور الارض ورواسيـه
بني هاجر والساس من عالية قحطـان
احصون الظفـر وامزبنيـن الجلاويـه
تحيّة وفا واخلاص تسمو بلا جنحـان
عليكـم ياقـومٍ بالوفـا نارهـم حيّـه
...........................
وهالقصيده خااااصه حق بنات العجمان ..
هـذي قصيـده قلتهـا لــش عـلـى طــول "
" من غير لا اشوفش ولا اعرف جمالش
بس الوكاد الوصف جابه علـى الـزول "
" وارهيتلـه فكـري وعلـى طـول جالـش
جـالـش يـبـي مـنـش تقـولـيـن مـقـبـول "
" واقـول انـا يــا مرحـبـا فــي وصـالـش
مالـوم مـن هـو حبـش وصـار مهـبـول "
" مهبـول فــي حـبـش وقلـبـه حــلا لــش
قـام وتحاكـابـش مــن الـزيـن مـذهـول "
" ويـقـول كــل الـلـي يشـوفـش صفـالـش
عـزاااااه يالـي شافـش وصـار معـلـول "
" لــه عـلـت(ن) مـحـد خـذاهــا بـدالــش
العلـه ان رمشـش كمـا السيـف مسلـول "
" والعـلـه انــه مــات هــو مــا طـرالـش
والعله ان جفنـش علـى العيـن مخمـول "
" عــزاااه يـالـي شـافــش وقلـتـهـا لـــش
وان كـان مـا كفـا قصـيـدي ابــا اقــول "
" الـزيـن واجــد لـكــن انـتــي الـحـالـش
وهذي قصيده قلتهـا عـرض فـي طـول "
" من غير لا اشوفش ولا اعرف جمالش
...وسلامتكم...
...هذا كله جمعته لكم...
...انشالله يعجبكم...
...مع خااااالص حبي لكم ...
...اختكم ...
...اعقل ياخفوق...
لاتبخلون علي بالردوود ok
22-08-2011, 04:42 AM
قصايد عن العجمان .....فديتهم والله..
العرض الشجري