هذه القصيده (أهداء للشيخ حمد بن محمد بن فهيد بن بيشان العجمي ياسلام الله على شيخ الكرم والراس طايل=الكريم ابن الكرام اللي مخلاتن دروبه
ياحمد ياطيب الجدين ياوافي الخصايل=حيث مايممت وقفاتك على العز محسوبه
ياحمد ياطيب الوقفات يارجل الجمايل=المقام اللي يقدر خاطري لاجيت صوبه
المواقف مالها غيرأنت ياذرب الفعايل=لاحصل في الوقت تشديد وتعقاد وصعوبه
أنت قد للعلوم الطيبه والشك زايل=والضروف القاسيه قدام حضرتك مغلوبه
انت كفو ماتجيب الا النوادر والجزايل=والقصايد يوم اغنيها على مدحك طروبه
انت حاتم (جوده) العجمان غير اللي بحايل=وكل عجمي ترا طبع المكارم من اسلوبه
جيت ابا اهنيك يالوافي على فوز الأصايل=وانت رجال يكمل في مهماته وجوبه
ماتجيب من المراكز ياحمد غير الأوايل=شامخ مثل السحاب اللي على القمه نصوبه
والعلوم ألها مصادر والفعول الها دلايل=والوفا للزحل اللي في سما المجد مهيوبه
مامدحت الاالكريم اللي تليق به المثايل=ولا بعد لبست لي رجال ثوب غير ثوبه
يوم بعض الناس جرف لا اعتنز فيه يتهايل=يختفي ماكنه الا ضحكت الوقت الكذوبه
الشاعر(ناصر فهم هادي المحمدي السبيعي)
07-09-2011, 08:04 AM
العرض الشجري