اقتباس:
اقتباس:
اقتباس:
ويلاه يـازولٍ مـع الخـط لقيتـه
عمره من الخمسة عشر عام وأدون
أذكرك يـاربٍ بفضلـك عطيتـه
لين إنه أصبح كامل الزين مزيون
من ناحية شكله وعقلـه وصيتـه
وأيضاً عليه خدود ورموش وعيون
شفته نصاني راكـبٍ فـي ونيتـه
ومن شوفته كني على الكبد مطعون
فكري تلخبط منه وإسمـي نسيتـه
حتى يديني صلّبـت فالدركسـون
كنـي مريـضٍ طامـعٍ بالمميتـة
وإلا سجينٍ خمسة أعوام مسجـون
ياليتـه فـي سكتـه مانصيـتـه
ياليتنـي صديـت ليـن يتعـدون
ياليت لا جانـي ولا كـان جيتـه
كان أستريح ويجلس الهم مدفـون
لكـن صـار مقابـلٍ مابغيـتـه
وبعد المقابل صرت أنا فيه مفتـون
لو ينشري بالمـال كلـه شريتـه
في ذمتي لأشريه باللـي يقولـون
ووالله لو أدري عنـه ويـن بيتـه
لآجيه لو كـل المخاليـق يـدرون
لو إني أغزي له علـى بسكليتـه
خل العرب عني يقولون مجنون!!
|
|
|
06-12-2003, 08:00 AM
العرض الشجري