الفخــر مكتوب في طيب النوايا= يشهد التاريخ وسيوف سليله
فعلنا ما تكتمه حدب الحنايا = مثل مزن لا تحدر من مخيله
ما كسبنا الطيب في قول وحكايا= كل واحد مننا يسوي قبيله
اشهدي يا أرض من ركب المطايا= وبل كبدش من دما خصمه بخيله
ما حسبنا في الملاقا للمنايا = كم عقيد طاح راسه في شليله
نقطع الفرجه ولو فيها البلايا = من نوانا بشره حنا نجيله
ناصله بجموع وافين السجايا =مثل فجر يبلج الظلما سبيله
نضربه لعيون مصقول الثنايا = براس رمح يكعم العادي صهيله
ماخــدين الحق ف شهود وصايا = من قديم العهد وعصور طويله
الكرم فينا وحنا له حمايا = باب عز انتنومس في الجميله
ما حسبنا للخساير والفنايا = نعطي الارواح ما نرضي القليله
16-11-2004, 11:00 PM
العرض الشجري