دخيــــــل الهـــــوى

[خالد بن جفن]

مصافحه جديده عسى تنال اعجابكم ..

ألا يا عيوني ليه تبكين غراقه = وهو دايم ما هوب عنكم ترى داري
تجرين بالونات ودموع حراقه = تصافق على جال المشاعر نهر جاري
بدمع شرق له في محاجر وفراقه = تسابق على همل سكب له من الطاري
شهادة وفى للي وفى شمس شراقه = طفى نورها من خان وعده وهو ساري
يكابد ليالي في سهر شوق سراقه = غفى له على رمش كسر حزنها شاري
زهم له تهاتيه الغلا نوض براقه = تقابس شظايا والشجن زايد ناري
وقد من حناياها مياسم وعراقه =على كبدنا تشوي وسلك الهوى عاري
كذا هي محبتكم شقى لي وزراقه =سهوم مناياها وسط جوفنا غاري
دخيل الهوى منكم زبن حبر وراقه =كتب له على صفح العنى ليتكم داري

خالد براك العجمي
جريدة الراي 17/9/2011