والحب كانه من ذهب قلبي الماس&من يشتري قلب(ن)يعرف المواجيب ((حب الشبكة العنكبوتية))

[قبلةالعجمان]

بعد السلام والتحيه قرأة هذه القصيده
واعجبتني جدا واتمنى ان تعجب الأعضاء


واليكم هذه القصيده بعنوان
(حـــــــــب نــــــــــت)




*******

ياذيب كان الشعر له قاف وإحساس=خذ لوعة بيوتي من القلب ياذيب
ياذيب صار الشعر للقلب نوماس=وبعض البشر احساسها صار تركيب
وأنا ذبحني بالغلا ألف هوجاس=وشلون خان النت قلب المعازيب
باب الغلا بالقلب مافيه حراس=واللي أحبه يدخل القلب ويغيب
والحب كانه من ذهب قلبي الماس=من يشتري قلب(ن)يعرف المواجيب
درب المحبه صار بالنت ينداس=وقررت ادوسه وأرفسه دون تجريب
الحب خله وأترك الحب لناس=درب الغلا لو صاب ياصاحبي يخيب
الحب كلمة توجع القلب والراس=الحب في هذا الزمن صار تكذيب
دام القلوب اللي تضمك بالأنفاس=ماشفت منها غير لوعة وتعذيب
والنت به ياصاحبي ناس وأجناس=النت به ترغيب مره وترهيب
طولتها والسالفه ظلم الأحساس=خل(ن)أختصرها وأنتهى بالمكاتيب
وأختامها لاهنت ياوافي الناس=كفيت في حبك ولاجيت للعيب

وسلااامتكم ...

[السنـــــافية]

قبلة العجمان

يعطيج العافية على الاختيار الحلو

[قبلةالعجمان]

السنافيه


لاهنتي يالغاليه على المرور الكريم

[حسايف]

الله الله

صح لسانش ولاهنتي

[قبلةالعجمان]

لاهنت على المرور الكريم

[عيد بن شدقان]

قبله
صح السانش والسان شاعرها
اختيار جميل

[قبلةالعجمان]

ذياب


صح بدنك ..

ولاهنت على المرور الكريم