فجأه صاحت الطوفه تلعن فيني أصحابي ..عبدالله النافع

[عون إبيها]

قبلت السجن من كيفي لجل ما يسجن الأصحاب
.......... لأني واثق بنفسي .. عسى ما خانوا اصحابي


حرمت النفس من أمٍ حنونه واقفه عــ الباب
........ واشوف النفس مشتاقه ......ولـكن قفّل أبوابي


يا يمه أحسب النيه سليمه في قلوب أحباب
...... دخلت السجن من صمتي وصوتي يسجن احبابي


مساجين وقفوا عندي علامك وش هي الأسباب؟
.......... تلعثم فيني لساني.. وجبرت الصمت بأسباابي


علامي ما قدرت أنطق ضروفي والحكم صوّاب
......... علامي جابر سكوتي . يا يمه بأعلن أعتابي


يا يمه والله ما أدري اذا الصاحب هو السحّاب
.......... يوهمني على صحبه واشوفه ناوي اسحابي


سحبني ويرتجف بـ إيدي أحسبه للكرم طلاّب
.......... واثاري نيته يسجن . يقول الطيب طلاّبي


دخيل الله يا يمه دخيله والحزن لا صاب
......... يصوب فيني اقلامي .. وطوفه صارت كتابي


يقول ان السجن يرفع رجالٍ مالها اشناب
............ واشوف أن السجن ناوي يقطّع فيني اشنابي


شسوي والبشر قالوا :شعار المسلمين أرهاب
.......... واذا شافوك متمسك بديـنك قالوا: أرهابي


أجل وشرايج بواحد كسيته من غلاي ثياب
........ عطيـته كل غلا طيبي واشوفه قطـّع ثيابي


يا يمه والله هالدنيا يتيمه فـ موتت الشيـّاب
............. كثير اللي نسى طبعه وانا من طبع شيّابي


هداج الله يا دنيا تعز اللي قليل اطياب
.......... ولعنج الله من صحبه تناسى وقفة أطيابي


جلست أكتب على الطوفه مواقف قصّه الأصحاب
............. وفجأه صاحت الطوفه تلعن فيني أصحابي

عبدالله النافع