علموه إن أعظم جروحي شفت!

[(جساس)]

علموه إن أعظم جروحي شفت!
والله اللي جاب همّي يفرجه..

شمعة الأشواق في قلبي طفت!
وادري ان البيت هذا يزعجه..

بلغوه إن شافني لا يلتفت!
لأجل ما افقد شعوري، واحرجه..


لي خلايا دم، في جسمي نِفَت!
حبك الكذاب، مهما تدرجه..


ولي عيون(ن) عن دموعي ما عفت!
جف دمعي ما لقى بي مخرجه..

وانت منت الا حكاية أولفت!
فلم فاشل، ما لقى من ينتجه..


لا تحاول، والنهايات احلفت..
إنت فاشل، وين يعني تتجه!
صوتي المبحوح، ناديت وخِفَت!
اختفى ما بين صمت وحشرجه..

لي عيون(ن) من عرفتك ما غفت..
كل ما جاها المنام يهججه..
طيفك الكذاب، وأجواءك صفت..
لأجل تطعن قلب، حبك بـَنـِّجَـه..
علموه إن أعظم جروحي شفت!
والله اللي جاب همّي يفرجه..
وبلغوه إن شافني لا يلتفت!
لأجل ما افقد شعوري، واحرجه..