لولاك ما كانت للالماس قيمة

[(جساس)]

يا لمعةٍ يزهى بها وجه الالماس

00000 لولاك ما كانت للالماس قيمة



يا غايةٍ بالذوق يا عطر الانفاس

00000 ممزوج بين الحاضرة والقديمة



فيك الحلا يطغى على كل الاجناس

00000 وازكى وصوفك فالغواني عديمة



مثلك غناها عزها وقت الافلاس

00000 يوم البشر في بعضها مستهيمه



لولا الامل حلت بنا لعنة الياس

00000 ولولا الصبر ما طاب جرح الكليمة



ترى الغلا ما هو بحبرٍ وقرطاس

00000 واللي حواه القلب ربي عليمه



تأكدي قدرك على العين والراس

00000 واللي حصل يا اوخيتي حزن غيمة



وان صار مني زلةٍ قلت لا باس

00000 دامك على ما صار مني حليمة



اهمها لا تخدعك هرجة الناس

00000 القصد واضح والنوايا سليمة



لا هان من في داخله كل الاحساس

00000 ولا هان راس فيه عزٍ وشيمه




تحياتي....