الولد يريد حذف جده

[ذيب الجويات]

بر راعي الجوف بوالده وكان ولده الصغير يدل جده وكان الشايب اعمى وكان البزر يقعد عنده وتضايق البزر واراد ان يحذفه في البير ولاكن الشايب حس بفعلة البزر فقدم عصاااه وقال ردني للبيت وعرف نيته وعندما اجتمعو على العشاء شافه ولده الكبير متكدرن خاطره فلا اخبرهم الشايب لكي لايعفون العشاء فاقسم اولده انا مايذوق العشاء الا وانت معلمني فقال عندي وصاة بعلمك بها قبل لااموت فقال الوالد هاذه الابيات فعرف الولد بخطى ولده فااقسم ولده اني ماتعداك طول حياتك وان مايوديك ويجيبك الا انا وهاذى بزر معليه شرهه وقال الشايب هاذه الابيات:

ياعيال وان صرتو ضيوف او معازيب = ترى الجواب الزين ملــحة قــراكم
والمذهب المذهب ترى المذهب الطيب = وترى ردى المذهب يبـور انساكم
ترى البـــلاسه من كبـــار العــذاريب = واكــل البــلاسه مـــايطول لحاكم
يامـــا توشــعلت الــقبايل تــقل ذيب = من خـوفتي يقـصر عليكم عشاكم
وياما شريت السمن من عرض ماجيب = يفـز قــلبي يــوم يبـكي حــداكــم
دينتـــكم ديـن وابي منــكم الــطيـب = لامــت مــدري طيــبكـم مـن رداكـم
قمت اتعــكز فــوق عــدل المــذاريب = قصــرت خطـانا عند طولة اخطاكم

[راكان اليامي]

الله الله يابري حاالي والله الصبي الردي

لاهنت ياذيب على السالفه والقصيده المؤثره

[هند]

لاهنت أخوى ( راعي العصلا )
ويعطيك العافية على القصة المؤثرة الملآ بالعبر


لك الشكر
السؤدد

[ذيب الجويات]

راكـــان اليامي ولاانت ياكحيلان واسعدني مروركم انت والاخت السؤدد

[العماني]

لاهنت يا ابوجابر على القصة والقصيدة الجميلتين.

واللي اعرفه ان القصيدة أطول من ذلك بس للأسف مانيب حافظها.

على العموم لاهنت يالقرم واسمحلنا على تنسيق الموضوع.

تقبل تحياتي،،،

[العــرجاني]

الله لا يهينك يا راعي العصلا
قصة مؤثرة وقصيدة رائعة




العرجااااااااااني

[ذيب الجويات]

الاخ العماني هلاوغلا واسعدني مرورك انت والاخ العرجااااااني

والقصيده فعلن اطول من ذلك ولاكن ماحفظت الا هاذي

تقبلو تحياااااااتي

[كويتيه]

يعطيك العافيه اخوي على هالقصه المؤثره بالفعل..
لك مني كل التحيه

[ظافر الشامري]

يعطيك العافيه يابو جابر على هالقصه المؤثره جدا جدا والقصيده ....