إشتقتلك ماهو كلامن وتعبير ,,,

[سحر الغروب]

السلام عليكم ورحمة الله وبركاته


سؤالك أسهل من حروف التعابير
وجوابه أصعب من مواجيع الأضلاع

لو صارت بعيني حروفي مدابير
ماهي ثقل جرحك وهمي والأوجاع

تبغا جوابي ؟ جاك كله تفاسير
يرثي عيونن شمعها حدرها ماع

وحشتني ! رغم الجفا والمخاسير
أصد عنك وخاطري فيك ماطاع

إشتقتلك ! ماهو كلامن وتعبير
لاوالله إلا شوق طايع ومنصاع

من كل صبح إلين هيف بنا عصير
وإنت بخيالي أشربك حب وأطباع

ومن حزة المغرب إلا حزة الطير
وأنا أشبعك شوق وتوجد ومرباع

يعني كذا ولا كذا وين ماسير
حبك تمكن يالغضي بين الأضلاع

يعني أحبك وأعشقك ويش مايصير
وأبقى على طول الدهر فيك طماع

صوتي غدا ماضن يلقاه تبرير
واللي شبعك من الهوى عقبكم جاع

ماني بنادم . لا . ولكن عسا خير
هذي مقاسيمي وهذا الوفا ضاع


منقول