القصيده للشاعر لافي بن حمود الغيداني الحربي .وهي حول حقوق الجماعه
على بعضهم ,وحبيت اشارك بها لعلها تحوز على اعجابكم . ,
يامـكـثـرين الهــرج لـسـمع ولاجــيـب *=* تـريحــوامن فـضـلكم وسمحولي
تـريـحــــوا لاتلاحـقـون الـمـشـاهـيـب *=* على الـرداماني شـفــقٍ عـجـولي
بالعـقـل والصـبـر أدب الـنفـس تأديـب *=* ولالـهـامـده تـصــول وتـجــــولي
حـنزن تـرازم في سـيـاج الـمـحـاديـب *=* مافيهـن اللي بالعـقال معـقـولي
ياشــد وطـيـت زور مـن شـمـخ الـنـيب *=* الياضاع مفـعـول الحيل والحلولي
انـالـياقــلــت ارتــب الــقــول تـرتـيـب *=* حتى يجي كين على فـك قـولي
ليا ارسـلت للفـكـار الـقــريحـه مناديب *=* تـرايعن من عـقـب ماهن اجفولي
لـكـن مـالي مـن وراهــن مــكـاسـيـب *=* لوكان عـشاق الـقـشر صفـقـولي
مـامـسـتـفـيـد الا الـعــدو والاجـانـيـب *=* ولاني مـطـيع مقـرقعـين الطبولي
خـلـيـتـهـا تعـطـي افـجـوحٍ مجـاديـب *=* جـرباتجـود في رسـنها مهـبـولي
والـلـه لـجـنـب دام لـي درب تـجــنـيـب *=* من شرهة احشام الرفاقه خجولي
لــونـهــا بـيـن الـنـحـــر والـتــلابـيـب *=* من الحياوجهي مهوب امغـسولي
طــبـعــن لـنانـشـب عـلـيـه ونـشــيـب *=* وطــبـيـعـة لـعـــلـهــا ماتــزولي
عـلى الـجـماعـه للجـماعـه مـواجــيـب *=* لوجــهـلـوا قـدرالرفيق الهتولي
ماني على ربعـي قـريب مـحــاضـيـب *=* ادنات مايخليني اسرج اخـيـولي
انجات من طـيب شقاها عـلى الـطــيب *=* لونه اعــوج من رقــبـة الـذلولي
ونـجـات من مسكين منطـق واسالـيـب *=* حــطـيـتها بين الـثـرا والنعــولي
لاحــركــت شـعـره ولاطـلعـت شـــيـب *=* ولاضيقت صدري ولاطــق جولي
ون كان في صبري على ميلهم عـيـب *=* العيب تفـتـيش الصـرر والحثولي
لاقـمـت تذكر في رفـيـقــك عــذاريـب *=* وتبين اعــيوبه لذولي وذولي
صـبرك على ربعـك اعــلاج وتطابـيـب *=* يقـصـر احـبال السلفه لاتطـولي
حتى مايلـقـا في طــرفها مـقـاضـيـب *=* كراه خـيـر وللمـشاكـل مـيولي
ولـيابلـيـت بتايـهـن شــره وصـعــيـب *=* يقول انا العراف وانت الجهـولي
قـل الـلـه الـلـه ياحـصـان الأطــالــيـب *=* يالفاهـم العـالم عـطيب الفعولي
هـذا الكلام الذي مافي صـحــتـه ريـب *=* لانـيـب بحـولك ولـنـتـه بحــولي
احـصان وبن احتصان طـيب مجــاذيـب *=* وبالمعــرفه رجل محلي ودولي
خـلـه يـروح يخـطي الـدرب ويـصــيـب *=* يقول باب الناس عرضي وطولي
والفـرق ماهــو باللـحـى والأشـانـيـب *=* الفـرق بين الـناس فرق العقولي
كم واحــدٍ تحــسـن به الـظـن ويـخـيب *=* السـن يضحـك والفـؤاد معـلـولي
والـلي غــدتـبه كــلـمـةٍ مالـهـاغــيـب *=* ماهومن اطيب ربعي اللي غدولي
يالله عـسـاهــا صـيحـةٍ في قفى ذيب *=* وقـلع النيا بينه وبيني يـحــولي
الرجل مايغـصب على الطـيـب تغـصيب *=* لياصـارماهــودل ضـمن الدلولي
ومن عــادة اللي طـيبه يحـضر ويغيب *=* لياطـالت الرفـقـه زهــوقٍ ملولي
ولـيا بـلـنـه كــبــر الأيـام بـصــحــيـب *=* في مستوى طيبه صعـودونزولي
اعــرف تـرا الـدنـيا دروس وتـجــاريب *=* والـكامـل الله والـنقى للرسـولي
لاتـصــيـر مـشـذاب يقـص الـعــراقـيب *=* خـلـه وراعـي الأوله وش يقــولي
اخــذت حـكـمـه من كـلام اللــواعـيـب *=* للطيب ناس وللـعــذاراء فـحــولي
[
21-12-2004, 01:47 PM
العرض العادي
