نواااال وبس !!!!

[ابن وعيل]

نوال وبسّ
,,
,,
جتنـي عـلـى غـفـوة عيـونـي تــدقّ الطـبـول
.......... يـامـا لـهــا خـافـقـي جـــدّد لـحـونـه وشـــال

البـيـض تـحــت الـســواد يـطـيّـرنّ الـعـقـول
.......... والـسـود فــوق البـيـاض يضيّـعـنّ الـرجــال

وان شرّعـت مـن طرَفهـا صافنـات الخيـول
.......... شـفـت الأوادم عـلـى السـكّـة تـجـرّ الـطـوال

وان سلهمـت بأكحـلٍ للـنـاس مـثـل الكـحـول
.......... ملعـون ابـو مـن يشوفـه مـا سـكـر ثــمّ قــال

وان عاكسـت بالحجـاج المومسـيّ الخـجـول
.......... يـا شرهـة الله علـى عـمـرٍ يشـوفـه وطــال!

وان قضّت الراس يا دين النبي ويش اقـول؟
.......... فيـمـا تشـوفـه عـيـونـي صـــدق والا خـيــال

وان هزّت الخصر والارداف عرضٍ وطول
.......... مـا ظـنّ بـه عقبهـا غصـنٍ مـن المـوز مــال

خصـرٍ تهيبـل وانــا مــن قـبـل فـيـه مْهـبـول
.......... وزوّد هبـالـي هـبـال وصــرت كـلّـي هـبـال

قـالـوا لــي الـمـوت قبـلـه شـربــةٍ بمْـعـسـول
.......... واشـوف انـا المـوت لا هـزّ الدقـاق الـجـلال

يشـرح علـى الخـدّ قصّـة عنبـرٍ حَــبّ لــول
.......... وبالشامة اللـي علـى خـدّه ضـرب لـي مثـال

بيـن النـهـد والنـهـد مــا شــلّ ســاق الـذلـول
.......... ومـن دون هـاك الجـدايـل يقـصـرنّ الحـبـال

يــذوب مـنـه مـعـزولٍ لا قـضَـبـت مْـعــزول
.......... طالـبـك يــا ذا الـنـوال مــن الـثـلاثـة نـــوال

وان فـاح زاكــي عرَقـهـا فــاح شــيٍّ يـهـول
.......... تـعـال يالـعـود الأزرق شـــمّ ريـحــه تـعــال

جمالـهـا ســرٍ أعـجــز مـعـجـزات الـحـلـول
.......... كــلْ مــا لقيـنـا لـــه آجـابــة تـجــدّد ســـؤال

لـو مثلـهـا معـجـزة مــن ربّـنـا مــع رســول
.......... مـا مـات حـيٍّ وهـو مــا شــاد لــه بالكـمـال

هـذا جـمـالٍ يبـيّـض وجــه مــن لــه يـطـول
.......... ايــه ايــه هــذا الجَـمَـال الـلـي يـهـد الجـبـال

زيــنٍ فـتـن قبـلـي الـلــي يلـبـسـن الـحـجـول
.......... وش عـــاد بـيـقـول فـيــه منكّـسـيـن الـعـقـال

زيــنٍ مسحـنـي مــن الدنـيـا ثلاثـيـن حـــول
.......... يمكـن خلقـه الولـي شمـسٍ وانــا لــه ظــلال



نااااصر الفرااااعنه