رب أخ لم تلده أمـك فـي هيئـة خـوي=ماتنـتـهـي مـدتــه ولاصلاحـيـتـه

[محمد اليامي]

رب أخ لك لم تلده أمـك فـي هيئـة خـوي=ماتنـتـهـي مـدتــه ولاصلاحـيـتـه
وأنا ويش ابغى من الشخص القويم السوي=إلا إحترامـه لشخصـي فـي علانيّـتـه
والنفس قد تنطوي علـى ماقـد تنطـوي=ماني بربه أعـرف اللـي فـي نفسيّتـه
حديث خير البشر فـي شرحـه النبـوي=أعمال كـل أمـرئٍ علـى حسـب نيّتـه
وأنا مثـل مـن طموحـه للعـلا منتـوي=ولاتعـدى طمـوحـه حــد سطحيّـتـه
لكن لو أن راس مالي فالبنـوك ضغـوي=حمـدت ربـي علـى نعمـة عبوديّـتـه
مثل الشبح الأحمر اللي عنـد مصطفـوي=الـلـي فـريـدٍ فتركيـبـه ونوعيّـتـه
عشقت لي بنت وأثر الليل ليـل سـروي=وإن روح الليـل دربـي ويـش تاليّـتـه
وأثـر الغـرام الذكـوري كنـه الأنثـوي=متفشـي وكـل منهـم فيـه خاصيّـتـه
قالت من أنته مـن أنتـه رجـل بـدوي=ثقافتـه ماهـي تعـارض علـى حبيبّتـه
سـحــاب لـــه ضـجـيــج ودوي=يامـا أشــر بغتـرتـه وإلا بطاقيّـتـه
جباننـا لرتفـع سهـم المنايـا يــاوي=يظهـر لـه بموقـف تفخـر بـه ابنيّتـه
قالت من رجـال يـام مزبنيـن الخـوي=قلت وولـد عـم بـن حثليـن وحميّتـه
قالت ياجن الغـلا لوشفـت ذيـب يعـوي=قـلـت أتعـشـاه لعيـونـش ياجنيّـتـه
لكـن ظلـم السنيـن وقلبـي المكـتـوي=تثـر علـى خـوة الطـيـب وعقليّـتـه
وقريحة الشاعر المبـدع ماهـي ترتـوي=ويثبـت أحساسهـا حـسـب مزاجيّـتـه
يافاتنـة سكـر زيـادة وسكـر شــوي=ابشـرب زيادتـه وابـشـرب شويّـتـه
تعبـت أسـدد فوائـد حبـك الـربـوي=والحـب أنانـي ولايــدري بأنانيّـتـه
أحلـى بنـات الـدارس ثالثـة ثـانـوي=ذراي قلبـي وقلـبـي لــه نظريّـتـه
عـن خلقهـا لـودرا وزيرنـا التربـوي=خـلا مـن أخلاقهـا منـهـاج تربيّـتـه
في وجهها الامتحان الصعـب والشفـوي=سماحة أب القتيـل اللـي رفـض ديّتـه
وفي جيدها لـذة المـدن فعيـون قـروي=وفقلبهـا طهـرة وطيـبـة وعفويّـتـه
علـى شفاهـا مخـارج أسمـي اللغـوي=وسويكي حـروف أسمهـا فـي ميداليّتـه
هي همي الشهـري وتحصيلـي السنـوي=المـثـقـل بــنــزوات يـومـيّـتـه
احتلـت أحسـاس خفـاقٍ ماحولـه ذوي=وأعضائـي الباقيـة تطمـح لشرعيّـتـه
ياجعلها تعيـش حتـى عقدهـا المئـوي=وتشـارك القلـب فـي فرحـة مئويّـتـه
وصالهـا دمـوي وأفراقـهـا دمــوي=كـن هتلـر مـورث إلهـا مـن دمويّتـه
الشين فـأتفـه زوايـا حسنهـا منـزوي=بالعكس تشكـي ظـروف القهـر أقليّتـه
وإلا على الزين حيـل الله ياقلبـي قـوي=الزين هـي موطنـه الأصلـي وجنسيّتـه
في جيدهـا فوضويـة شاعـر فوضـوي=وفعينهـا قـسـوة الـفـارس وحنيّـتـه
خذيتهـا مـن يدينـي وجـات تـهـوي=وصارت في يدي ماهـي حيـه ولا ميّتـه
لو إني الشجرة اللـي للغصـون تحـوي=مافيهـا غصـن ماهـي دابـه ولاحيّتـه
لـو أنهـا الالتهـاب القاتـل الـرئـوي=قلـت الوعـد جنـة المسلـم ياحوريّتـه
ايعزها الشـوق ليـن تخضـر وتستـوي=وتعيش من حسنة المسلـم ومـن سيّتـه
وأثارهـا بنـت حـوا فاتنـه وتـغـوي=جـت تأخـذ الثـار مـن قلـبي و ذريّـتـه

الشاعر/ محمد بن الذيب العجمي