الــــعــيــــد

[بخيتان اليامي]

أتمنى أن تحوز على رضاكم جميعا،

هواجيسي تسليني بدنيا كلها حرمان = أدور بزحمة الدنيا وأنا الرجلين مشتلّه

سفينه ناقله همي تخلى عنها الربان = وبقيت بغبة أهمومي أصارع موجةٍ علّه

مصيري في بحر همي جبرني وأصبح القبطان = أحاول شوفة المرسى عسى الاوهام تندلّه

سجين وأنتظر نور ٍ ينور لي مع العربان = حياتي كلها ليل ٍ مع الاحزان مبتلّه

شعوري بنظم أبيوته وأسجل في الهوى قيفان = تهدي خاطر تلعب به الآهات وتشلّه

وأصورماضي سنين ٍ شقاها ما حصل لأنسان = تحدتني بلا ذنبٍ كسبته بيننا لله

نجوم الليل خاوتني على درب الشقى سهران = معاها ما أخلف الموعد عرفت الوقت في حلّه

تعبت وصارت الغربه على وجهي لها عنوان = وغبار الوقت يرسل لي مراسيل الدهر كلّه

أمانه يا زمن يكفي تراني تايه حيران = سبب خل ٍ قريب لي بعيد ٍ عن هوى خلّه

عساه يحس بأشواق ٍ غدى صدري لها ميدان = يسيطر طيفه الغالي على قلب ٍ ضعيف ٍ لّه

وحيد ولا بقى حب لغيره يسكن الشريان = تحكم حبه الواعد بمجرى الدم وأحتلّه

شفوق بشوفته لحظه يطفي لوعة الولهان = حبيبٍ مبتعد عني وأنا أحبه مثل ظلّه

متى ترحل هواجيسي ويرجع من نوى = أحبه حيل يعرفني . ويبعدني عن الذلّه

هني الناس باعياد ٍ يكون بها فرح الاوطان = وأنا عيدي الى منه جمع شملي مع شملّه