عايفٍ كلّ الجنون الا جنونك =زيدي المجنون بك ذوقٍ وبدْعي
اطْربيني مسْمعي هام بلحونك =هِمْت في جِنّك ولا ابْغي عقْل ربعي
طول ليلي بس اردّد في شجونك =تلّني جِنّك وشِلْنا معْه سجْعي
وتهْت في بحرك وفي راقي فنونك =والمشاعر لك وليف الروح تدْعي
ريّحي قلبٍ شمالي طاح دونك =ينْتخي يالشوق بك ترميم صدْعي
تجْم عاشق دار عِشْقٍ حول كونك =ثبّتي نجْمٍ لجنٍ فيك مدْعي
كلّ مابه من جوارح ينْتخونك =ياخشيف الريم فيك اليوم شبعي
آه يالجنّ العزيز ارْفق وهونك =هات كفّك جفّ بالظّميان نبْعي
بي ظمى بي شوق لامْواصل ركونك =ودّي ارْوي من جنونك شوق سمْعي
وافي
08-01-2005, 11:46 PM
العرض العادي
