امي الا شافت خيالي تهلي .. ولا الغضي لاشاف غيري تحالاه

[alajmiali78]

صبحكم الله بالخير

هذا يا جماعه سالفة واحدن حبله وحده وبغاها وارسل لها ناس ينشدونها له انكانها بتوافق يجي يخطبها , المهم انهم راحوا للبنت وعلموها قالت انا موافقه بس بشرط انه يطلع امه من البيت و يحطلي بيت لي الحالي انكانه يبيني !!!!
المهم انه جاه المرسول وعلمه برد البنت , زعل الرجال وقال والله يا لو انها مرتن لي وتطلبني الطلب ذا ان اطلقها عقبن قصد وقال :

علمت ان ملهوف الحشا مرسلن لي =رسالتن تجعلني اصخي بفرقاه

وان كان ما قصد الحبيب تغلي = ما اقبلك يا المرسول لا انته ولا اياه

امي الا شافت خيالي تهلي = ولا الغضي لاشاف غيري تحالاه

ما انسا سنينن درها سقمتلي = واركب على المتنين واقول يا ياه

والوالدين بقلبهم لي محلي = ومعروفهم مع طول الايام ما انساه

وسلامتكم وارجو انها تحوز على رضاكم واعجابكم .