دقدي دقدا !!!!!!!!

[العرجاني محمد]

السلام عليكم ورحمة الله وبركاته
مساء الخير للجميع
هذه القصيدة وجهتها إلى إحد الأصدقاء في الربيع في وقت المطر والجو العليل (( يعني الجو كان جو شعر ))وماتخلا من بعض المزح وأقول فيها :

ياأبوسعيد اليوم حظي تردا = والحال راح من الشقى والزهادي

بأسباب خلٍ عذب القلب جدا = ودي بشوفه ولا حصلي مرادي

ريمٍ إلى منه ضحك لي تبدا = بدرٍ يتل من المحاني فؤادي

بدرٍ وصوفه ياعرب ما تحدا = الله عطاه من الحلايا وجادي

إلى نثر شعره عن الناس سدا = نور النهار وداجي الليل سادي

وإلى كشف عن صبح وجهه ولدا = أندل منهو بعمى الحب غادي

مثل البحر وصله جزرٍ ومدا = مرٍ يهاديني ومرٍ يعادي

في كفه اليمنى سيوفٍ تحدا = وفي كفه اليسرى من الورد كادي

حبه ملا صدري وزاد وتعدا = لا جاز لي قربه ولا أقوى البعادي

واليوم يامشكاي هذا هو الدا = فداوني ياللي عليك إعتمادي

وأنا عليك اليوم ماأخفيت سدا = وإللي خفى بصدري لك اليوم بادي

يانسل عودٍ في الملاقى يعدا = ذيبٍ مسرح في نهار الطرادي

نسمة برادٍ للقريب المودا = وسكرات موتٍ للحريب المعادي

للي قريبٍ ريف وللضد ضدا = وطويل يمنى يوم تقصر الأيادي

كريم كفٍ لى أعسر الوقت مدا = ولا شفت منهو في العطا له يشادي

وختامها غنوا دقدي دقدا = على إللي حارمني الهنا والرقادي

وســــــــــــــــــلامتكم
أخوكم / محمـد العرجاني