اجف الردي!!

[بن حظيبه]

هذه القصيده أهديت لي من الأخ الشاعر عبيد بن سلطان الظاهري فيها عتاب وحكم ونصائح من قلب صادق وأنا أقول جزاك الله خير يا بو سلطان واحببت ان يقرأها الإخوان وان شاء الله تعجبكم:

إجفي الردي ياعلي من قبل يجفيـك
عند الثقيلـه يتركـك مـا يعينـك
لو كان في و قت الرخى دايم يجيك
عنـد النوايـب مـا يـآزر يمينـك
إتبع خـويٍ فـي الشدايـد يوافيـك
لو كنت مخطي يصلحك ما يدينـك
تلقاه لـو زاد الغبن..منـه يشفيـك
ما دام دينه يالخـوي مثـل دينـك
لو كنت مسلوب الرضا بعز يرضيك
لو كنت معرق مث دمعـة جبينـك
عن ريح صلفات الليالـي يداريـك
كنك ضنينـه والمـداري ضنينـك
لو تطلب بحق ولـده فـز يعطيـك
راسه يقـدم لـك قبـل لا يهينـك
ما للمصالح داخلـه مـن مساليـك
ولا يرتضي لإنسان خلفـك يشينـك
تبقى في عينـه للتسامـي معاليـك
لو كـل دانيـن المـلا حاسدينـك
حتى لو زرت القبر جـاك يبكيـك
وان مات زرته وانت تبكيه عينـك
هذا الخوي تصفاه وبالمثل يصفيـك
انت تزينـه وبالمثـل هـو يزينـك
قل للصداقه تفخر بشخص يوفيـك
يبقـى وسـام وللمعانـي يعيـنـك
يوم الفقر يفقر من أجلـك ويغنيـك
وان هو فقر تعطيـه لقمـة يدينـك
وان دنت له بالمال ما جـا يمنيـك
وان دان لـك مـا تستمنـه بدينـك
ولا انتوا على حب المصالح مشاريك
ولا يدخل الشيطـان بينـه وبينـك