يامل قلب تجره بالهوى نوره = جرت حبال على مطوية الجالي
لقيتها البارحه والنفس مسروره = ثم رحت قدني على المسيارمتبالي
يوم اشبحت لي وانا ابغى اقول ماجوره = فزيت من مقعدي ثم طاح فنجالي
واهتز قلبي ودارت الارض بي دوره= وقمت اتصرع على يمناي وشمالي
الله عطاها جمال الكون والكوره = من شافها يا محمد صابه اهبالي
زود على زينها وثله ومستوره = وتزين القاع في لقفى ولقبالي
يا شبيه ظبي من القانص نوى الذوره = ما صاده اللي تركد له بالسهالي
ابو دليق على الامتان منثوره = والخد براق صيف يشعل اشعالي
اون ونة مريض عال دكتوره = وامشي مع الناس وانا كني لحالي
لو ينشكى حبكم في كل منشوره = ماعاد خط القلم من ذكر ماجالي
مريت واثر المناطق ذيك محذوره = ومن مر ذاك الوطن ماراح متشالي
ياليت عندي من الذكرى لها صوره = واكتب عليها هدية واحد غالي
وسلامتكم
الشاعر سعيد ابن دوغان اليامي.
العرض الشجري