بـــنـــت الــنــٌـور & بــنــت الــغــجــر

[سعود بن مهدي]

صباح الخير



_________

وش : حيلتي ؟؟ ياوقت ! .. علمني وتكسب بي اجر=ان كنت انا على خطا ,, او كنت انا علـى صـواب

ليه الزمن ؟ ياخذ حقوقي ويـن هـو ؟ ذاك الفجـر=اللي انـا فـي كـل ليلـه .. انتظـر منٌـه جـواب

الجاه مايعـرف بشـر .. والظـل مايجحـد شجـر=والموت مايحسب عمر .. والعـز مايحفـظ كتـاب

احد ٍ حكى بي بالقفا و ( احد ٍ غدر ) و ( احد ٍ هجر )=ناس ٍ ,, تدٌور لانكساري ..( يوم ) وتحسبه حسـاب

اصٌدق الايام وتكـذب وان حلـف حظـي .. فجـر=بالعين تشرق شمس واشوف القمـر بالعيـن غـاب

الين صـار بداخلـي .. شعـور يمـلاه الضجـر=مالوم نفسي .. لاثملت وصـارت همومـي شـراب

لا رحت من بنت النٌـور .. اعٌـود لبنـت الغجـر=عذاااااا ب ,,, والموال يمشي والهوى كله ,,, عذاااب

ياسامعن صوتي .. الا منـه وصـل .. دق النجـر=واسمع صداي وخل صوتي عقبها .. يطرد سـراب

مهما تجٌملـت وفعلـت الطيـب .. لاترجـي اجـر=المودمي .. ما يملا عينـه بالزمـن كـود التـراب

لو كل كلـب ٍ لا نبـح لقٌمـت فـي حلقـه حجـر=بتخلٌص الاحجار عنـدي ولا سكـت نبـح الكـلاب