يا فهد يا اخوك سبر الموت جانا / ونتحلم به وهو قد هو قريبي .. !؟

[ماجد المهنا]

السلام عليكم ورحمة الله وبركاته ..


اخواني ..

هاذي قصيده .. قالها ابوي وجدي ( حمد ابن عبدالله المهنا ) الله يرحمه ويغفر له ..

قبل وفاته بـ أيام .. وارسلها لـ أخوه وصديقه ( فهد ابن صغير العجمي ) الله يطول بعمره ..


يقول جعله بالجنه ..

يا الله المطلوب بأول مبتدانا = نطلب الخالق لعبد يستجيبي
جعل رب البيت للحق يهدانا = والهدايه للفتى حظ ونصيبي
يا ( فهد ) يا اخوك سبر الموت جانا = ونتحلم به وهو قد هو قريبي
من ذليّله مانسير لقصرانا = لانبي زادٍ ولا نشرب حليبي
هقوته انه ذا السنه يبغى يحدانا = بخت منهو مات ماجاه تعذيبي
سكري وضغط والشوف يتدانى = وكل يومٍ رايحيين للطبيبي
غافلينٍ ما شبعنا من هوانا = والضروس مكمله والراس شيبي
ما تفيد اعيالنا واللي ورانا = كود ما قدمت قدمك يا حبيبي
والأمانه لا طلبها اللي عطانا = نشكره ونقول ذا حقٍ مصيبي
نطلب الغفران جينا منتهانا = في نهارٍ فيه حسّاب وحسيبي

وسلامتكم ..


جعل موتانا وموتاكم وموتى المسلمين اجمعين في جنات الفردوس الأعلى ..



أخوكم /


ماجد المهنا