قصيدة في ستار اكادمي

[الـــهـــادي]

جيت أنا الدنيا عام واحد وثمانين @@@ وأدري يا ناس خبرتي فيها شويّه

أقضي اسنين وتتلي سنيني اسنين@@@ وكم غرايب أو عجايب يمرّن عليّه

ربّوني أهلي من الصغر أتبع الدين@@@ وعلموني أحكّم عقلي في أي قضيه

قالوا يا شويعر اقسى واترك اللين@@@ ووصف لنا شعرك تجاه لكادميّه

أخجل أنا وأحط هالراس فالطين@@@ قناة(ن) للعرب هاذي ولا أجنبيّه

قلت يا عرب شوفوا ذرفة العين@@@ للي يتابع هالبرامج هو أكبر ضحيّه

أبكي ونا أرثي حال المسلمين@@@ ماتت مشاعرنا رغم قلوبنا حيّه

ياعزة النفس ليه عنّا تغيبين؟@@@ وحثالة القوم صاروا الأسياد فالدنيا!!

شبعنا مهازل نشربها من اسنين@@@ ومن الغزو الفكري كم شفنا الأذيّه

فقدنا الذوق؟؟ ولاّ عنصر الدين ؟؟@@@ حد(ن) يشاركني في هالقضيّه

لاني بضد الفن والطرب والتلاحين!@@@ ولاني ضد "هشام" أو " بشار ولد العراقية"

أنا شويعر وزادي شوق وحنين@@@ أعشق أنا بلادي وحترم لبجديّه

بالله خبروني: هل يجوز في الدين؟@@@ خلوة(ن) فيها " بشار " يعانق إبنيّه؟؟

حياه.. منهم أكثر فيها الشياطين!!@@@ بوس .. أحضان.. والله يستر في الخفيّه

صوّروهم في الأكل حتى غسل اليدين!@@@ يا ليت شفناهم ركّع في العشيّه!

خيّروني في ثلاثة واللي يتمّون ثنين@@@ ولنها جميلة اختارها غصبن عليّه

سمّوه " سوبر " حشا تقول بنزين@@@ والحينه لهم دار(ن) هي وكر الخطيّه

( هزل .. طرب .. عزف) سمّوها تمارين!@@@ هاذي حياة(ن) ميته ولا فيها أهميّه

وحنّا خضنا بالعقل مر القوانين@@@ ومرّينا في أقسى الظروف الجامعيّه

فينا .. علماء.. أدباء.. حتى مهندسين@@@ ما حيد حطوهم في فقرة دعائيّه

حرام نصرف آلاف وملايين@@@ لجل نصنع مطرب حك أغنيّه!!

بس أنا أدري وأنت يا بنت تدرين@@@ بني يهود هم ورا اللعبة الدنيّه‎


وسلامتكم


مع تحياتي
اخوكم ..

الـــــهــــــادي

[سند]

الــــهــــادي

صح الله السانك ولاهنت

تحياتي,,,

[الـــهـــادي]

السلام عليكم ورحمة الله وبركاته

صج بدنك يالهاوي وانشالله القصيدة نالت اعجابك ...

[هند]

الله يسلمك أخوي الهادي
ويعطيك العافية على ما اخترت لنا


لك تقديري
السؤدد