السلاطين .

[ابن دريب]

السلام عليكم ورحمة الله


قصيده في شيخ قبيلة العجمان في الكويت

الشيخ : سلطان بن سلمان بن حثلين

على الله اتكلت وقرب الفنجال والدله=هواجيس القصايد ماخلت من راس مبدعها
تمثنيت الهجوس وجاتني الابيات منتله=وهم قالو القصيده يتعب الشعار مطلعها
وانا عندي قناعه فالقصيد وقلت لا بالله=ترى الافكار موجوده ولكن من يجمعها
سلام الله سلامٍ مختلط مسكه مع فله= لـ بن حثلين منصانا ليا كبرت وقايعها
سليل المجد راس الطيب حتى الوقت سجله=مواقيفٍ على الشدات والتاريخ مرجعها
ذرانا من صواديف الزمان وضافيٍ ظله=اذا مالت حمول الوقت بأمر الله يسنعها
ابو راكان في مدحه يزين القاف والشله=على مدحه تخيّرت الجزال وجيت اسمعها
تسلسل من سلاطينٍ تعقد الحبل واتحله=شيوخٍ في نهار الهوش ماتوخذ قلايعها
ليا صاح المنادي في ضنا مرزوق من غله=لقيت الخيل في دبرت شياطينٍ تطوعها
شياطين وسلاطين ورجاجيلٍ على المله=على الفزعه سواة الموت واردى شخص بايعها
مطانيخ القنازع متعبين الخيل عون له=واذا كبرت وقالو يام جاتك يام بأجمعها
اسباع القاع لا اشتد الزحام وتبري العله= مطوّعت الصعاب ابطش اسباع الارض واشجعها
رجالٍ مايطوّعها الزمان ومارضت قله=يسوقون المطايا واطيّب القيعان ترتعها
يعزون الضعيف اللي طواه الظيم واحتله=ويوفون الوعود وقوة الغازين تردعها
زعيم القوم الاول ياعسى الفردوس بيتٍ له=جيوش الترك تشهدله وتشهدله مواقعها
شجاعٍ لا التقى الجمعين فالحسبات تدبل له=حكيمٍ كلمته لا كثرة الاقوال تقطعها
وابو راكان شيخ القوم والشيخان نسل له=تسلسل من شيوخٍ خلّد التاريخ واقعها
حليمٍ لا تكلم يصمت الموجود يفطن له=كريمٍ مدته تغنى الفقارى عن مطامعها
شجاعٍ والشجاعه من طباع العود ورثٍ له=كريم اخلاق واشباله على اطباعه مطبعها
وابختمها بذكر اللي يعز العبد وايذله=الــهٍ نرتجي عفوه من الدنيا وفجايعها

وسلامتكم