يقول من ضاق صدره والهوا غلاّب = وفي موت حبّه نوا بأصدار مرثيّه
كان القمر هو نديمه والقمر قد غاب = غاب القمر واستطالتبه بلاويّه
يقضي سواد الليالي خايف ٍ مرتاب = ساهر وعينه من الفرقى شقاويّه
عزّي من البعد والفرقى على الاحباب = والبعد يرّث على الاحباب نفسيّه
وانا كسير الجناح وخافقي منصاب = على غزال ٍ بكيته كل فجريّه
راح الغزال العفيف اللي بزينه هاب = اقفا ولا عاد عوّد في مرابيّه
لاعاد شفته ولا منـّـه لفاني كتاب = اشتقت للصوت ومداعب حكاويّه
يفداه جرح ٍ على بعده دمى ماطاب = اللي عجز لايداويه المداويّه
يستاهل انه وفالي مرخي الاهداب = ماشحّ عني كريم ٍ وراس ماليّه
سوّا سواة ٍ توقف دونها الاشناب = ابو عيون ٍ تشادي عين بحريّه
لاكن صروف الزمن في غيبته اسباب = شحـّـت علينا وكل ٍ بات في غيّه
وقزّرت انا عقبه الدنيا على مرقاب = اشكي واجاوب بصوتي صوت قمريّه
واليوم حزني تفايض سبّة اللي غاب = ومن حر مابي كتبت اليوم مرثيّه
وسلامتكم
الشاعر / سعود رتيبان الجويّر
العرض الشجري