انا صديق الطيبين المناعير
اللي لهم كسب المعالي اعشاقه
عجمان بدو نطاحه الشر والخير
صادقتهم واخذت منهم صداقه
حلاله المشكل كبار المخاسير
ياسعد منهم له عضود ورفاقه
زبن المخيف الى رمته المقادير
بالجاه والاالمال والا الحماقه
وأخذ من ارياهم قوى المشاوير
والطيبه ماهيب منهم شفاقه
مانيب اصادق مايلين الدناقير
عيال العفون من الخيوط الدقاقه
اللي مجالسهم نميمه وتعبير
مالي بهم من فضل ربي علاقه
فضل من الباري حسين التدبير
مانيب للا صحاب قطاع ساقه
ورزقي على اللي بالسماينهض الطير
يكسر على الملواح عقب انطلاقه
ودنياك تمضي بين ورد ومصادير
قد قيل قبلي مابها راس طاقه
للشاعر عبدالله لويحان
01-07-2005, 05:18 AM
العرض الشجري