كذا يامالك ٍ قلبي ويامالك معاه الروح = قطعت القلب واشقيته وروحي يوم تهجرها
كذا عقب الوفا وياك تجازي خافقي بجروح = صفا حبك وحبي ليه يالغالي تكــّدرها
كذا وشلون تتركني على فرش الحزن مطروح = حياتك عن حياتي ليه تبعدها وتحقرها
طريح الفرش بغيابك واجرّ الصوت بك وانوح = عليل القلب بجروحك وعيني فيك مسهرها
انادي والصدى ردد وصوتي غادي ٍ مبحوح = وحيد الليل ونجومه اشاكيها واسامرها
تعال وجوز من هجرك ترى مالك معه مصلوح = وطمطم بالصبر روح ٍ بدت تنفذ واصبــّرها
تعال بسرعة ٍ تسبق بروق ٍ بالسحاب اتلوح = أو بسرعة ضوا شمس ٍ ظلام القاع تنورها
تعال امسامحك باللي جرالي والخطا مدموح = وروف العين ياعيني عسا اتكفكف عبايرها
مع ان عندك خبر لو ويش تفعل يالغلا مسموح = ومثلك خابر دروب ٍ على شانك مخاطرها
عليك الله ترى عندي عوافي كان بك مذبوح = يهون الموت عن نفس ٍ رفيعه لاتحدّرها
واختـّمها عسا شفوك اشوفك ساعة ٍ واروح = لعلّ النفس في شوفك تعوّض في خسايرها
وسلامتكم
الشـــــــــاعر // ســــــــعود رتيبان الجويّر
العرض الشجري