|
الالـــفـــيـــّه الاولــــى لــلــجــويــّر
الف ٍ 0اولف من خوا الراس ماجاب = في خايع ٍ معزول ماحولـي اعـراب
اداعب الافكار مـن فـوق مرقـاب = ساهـر ولالـي نـيّـة ٍ بالمبـاتـي
والبا 0 بديـت بذكـر رب المخاليـق = انـه يفرجلـي مـن الهـم والضيـق
ويجمع قلوب اثنين من عقـب تفريـق = رجواي بك يامن فرضـت الصلاتـي
والتـا 0 تفرقنـا ولا مـن وسيـلـه = تجمـع خليـل ٍ غـاب عنـه خليلـه
يشكي وينعي فـي دجـا كـل لليلـه = ابطـى وعاقبتـه نجـوم السمـاتـي
والثا 0 ثمـر قلبـي غـزال ٍ تجّـلا = عنـي ولا ادري ياعـرب ويـن ولاّ
امـس ٍ معـي مثـل البـدر لاتعّـلا = واليـوم غـاب النـور بالمظلماتـي
والجيم 0 جف الدمع من موق عينـي = والـدم صـب وجـف يامسلميـنـي
عز الله ان فرقـى المحبيـن شينـي = والموت لاحلّ الجفـا فـي سكاتـي
والحا 0 حمت نيران فكـري وهمـي = يالله دخيلـك فايـر الـهـم دمــي
كني مجـرّع ياهلـي كـاس سمّـي = لانيـب لا ميّـت ولامـن حيـاتـي
والخا 0خفيت جروح فينـي عطيبـه = خوفي من الهـرّاج واهـل المعيبـه
ليـن احرقتنـي ذالجـروح العطيبـه = وانا صبور ٍ فـي رجـاوي غناتـي
والـدال 0 داريتـه وحبـه وفيـتـه = مافيـه غالـي عنـدي الا عطيـتـه
بـس الجفـا منـه كـذا ماهقيـتـه = ويتـرك عيونـي بالسهـر ذابلاتـي
والذا 0 ذعاذيـع الهـوا بالعصـاري = على وشـك غيبـات نـور النهـاري
ذي حزة ٍ تجـذب علـيّ الطـواري = حـزه وذكـرا كلـهـا محزنـاتـي
والرا 0 رثيت الحب من فـوق قبـره = ارثـي وتخنقنـي بالاحـزان عبـره
وكسر الخواطر مانفـع فيـه جبـره = مرحـوم ياحـب ٍ خـذاه الممـاتـي
والزا 0 زماني والغضي مارحمونـي = زادوا علي بطعـون كبـدي طعونـي
وحـوض المنايـا والفنـا ورّدونـي = وارجع واجدد بالاسـا فـي اساتـي
والسين 0 سلّ السيف واشهـر عليّـه = مظنـون عينـي نـاوي ٍ لـي بنيّـه
والمشكلـه هـو مـن بـدا بالخطيّـه = وانـا بحبـه مـن يسـوي سواتـي
والشا 0 شربت السم كاس ٍ ورا كاس = من قطعـة الآمـال والهـم واليـاس
الوصل مقطوع ٍ ومقطوع الارمـاس = قطعـة مراميسـه حسيـن الصفاتـي
والصا 0 صبرت وراعي الحب صبّار = وزادت مشاويري وشغلي والاسفـار
اضيّع اوقاتي علـى شـان الافكـار = ماتسـتـرد بداخـلـي ماضيـاتـي
والظا 0 ظمـا الاشـواق مايرتوونـه = لو تجتمـع كـل الخلايـق0 لعونـه
مـايـروي الا داعـجـاة ٍ عيـونـه = غـرو ٍ تسـيّـد زينـهـا بالبنـاتـي
والطـا 0 طلبتـه لايخلّـي هـوانـا = اللـي رفيتـه عـن دروب الهوانـا
واليـوم ماكـنّـه عرفـنـا وجـانـا = عكّـر مباتـي واهتنـى بالمبـاتـي
والعا 0 عمت عين الذي بـه تسبـب = الجاهل اللي فـي جروحـي تطبـب
مطبـب ٍ وجـروح قلبـي تعـطّـب = امحـق طبيـب ٍ جابنـي للفنـاتـي
والغا 0 غفت عين الخلي من همومـه = اللـي قضـا دمـس الليالـي بنومـه
وانا على اعصابي بنفـس امحرومـه = النـوم ماجانـي وفكـري شتـاتـي
والفا 0 فريد الزين لـو هـو تخبّـر = عـن حالتـي ماكـان عنـي تصبّـر
يليـن قلبـه لــو علـيّـه تجـبّـر = لوهـو يبيلـي بالـردا والشمـاتـي
والقاف 0 قلّت بي عزومي ولا آلاّ آم = من جاير الفرقى ومن جـور الايـام
وان نمت تفجعني معابيـس الاحـلام = اللـي ابشعـور القلـب متحطماتـي
والكا . كريم النفـس طبعـه عيوفـي = حتـى ولـو همـه ذبـوح ٍ يلوفـي
مايرتضي لـو الضـواري تطوفـي = امـا يومـوت او يرتقـي النايفاتـي
واللام 0 لاموني وانـا مابـي اللـوم = مريـض مهمـوم ٍ وبالسـرّ مكتـوم
واللي جرالي كوم حمل ٍ علـى كـوم = هرّاجـة ٍ بهروجـهـا ضايعـاتـي
والميم 0 مديـت القصيـره وجريـت = جريـت جمـري للـدلال وتقهويـت
وقمت آتعمّر بالزقـاره ولا امسيـت = مع وحدتي ماغيـر اقلّـب عصاتـي
والنون 0 نور العين لو حب غيـري = واصبـح بدالـي بالمحبـه عشيـري
ياكبرها مـن فاجعـه فـي ضميـري = كيـف آتحمّـل وآتصـوّر حيـاتـي
والها 0 هويت بغبّ حيـره غزيـره = وخلقه انـا يانـاس مجنـون غيـره
وايدي قصيـره والنواظـر بصيـره = وش عـاد وحبـال الرجـا فالتاتـي
والوا 0 ورب البيت واللـي خلقنـي = اني صدقتـه يـوم احسبـه صدقنـي
ولاتوقعـتـه بـكـذب ٍ عشـقـنـي = وعسى العـوض بأيامـي المقبلاتـي
واليـا0 يمينـي تخـتـم الابجـديّـه = الفيّـة ٍ فيهـا الجـهـر والخفـيّـه
وعسا تحوز ارضا القلـوب الطريّـه = وشكـرن لكـم ياسادتـي آنسـاتـي
وســـلامــــتــــكــــم
الشاعر // سعـود رتيبـان الجويّر
__________________
التعديل الأخير تم بواسطة الجويّر ; 18-11-2005 الساعة 01:04 AM
|
16-08-2005, 07:13 AM
العرض العادي
