قلــــب حزيـــن

[مبارك الرخيمى]

السلام عليكم ورحمه الله وبركاته

صدقيني لو مليـت الكـون كلـه ذكريـات=ما تلاقي غير أسمك في وسط قلـب ٍ حزيـن

مابقى الا صورتينك في الحياه وفي الممـات=كيف جيتي في هدوء وكيف قمتي تبعديـن ؟

أتذكر يوم جيتي كيـف جيتـي فـي سكـات=واتذكر عيـد موتـي يـوم قلتـي راحليـن

واتذكـر كيـف كنـا فـي الليالـي الاولات=نرسم البسمه حقيقه رغـم انـف الحاسديـن

نرسم البسمه معاني مـن علـى حـد الشفـاة=وانتأمل في العيون اللي امتلت شوق وحنيـن

فصدقيني في بعـادك انقلـب حالـي شتـات=مره اضربها يسار ومـره اضربهـا يميـن

فإن ضربت الدرب الايمن هلت الدمعه وجات=وإن ضربت الدرب الايسر انعقد حبل الجبين

ووالله انه في بعـادك انكـر الحبـر الـدواة=كلما جيت اكتب اسمك ترتسـم لـي دمعتيـن

واصبحت كل الدروب الخضر عقبك يابسات=كـل مافيهـا بقايـا مـن تـراث الاوليـن

حب قيس وحب ليلى وعنتر وعبلـه وهـات=من اساطير الغـرام اللـي تسلـي العاشقيـن

واصبحت وانتي معاها في جميـع المكتبـات=قصة ٍ تروى وتحفظ فـي عقـول الهايميـن

فصدقيني ياغناتـي كـل ذاك العمـر فـات=وامتلت بالدمع الازرق كل عين وكـل عيـن

وانقلب حالي وقامـت تجـرح لسانـي اللهاة=مالعطش ,, لا والله الا من فـراق الطيبيـن

فاسئلي نفسـك سـؤال واحسبيـه معـادلات=كيف افرح في بعادك وارجي من الله تجين ؟

واتذكر في رحيلك انـك اغلـى الراحـلات=وافتح القلب لرجوعـك كـان ودك ترجعيـن

وآتخيل انـك انتـي قطعـه لسكـر نبـات=ذابت وذابت وذابـت وانتهـت مـع السنيـن

واحرمتني من حلاها كل شـي ٍ لـه حـلاة=صار كل اللي اذوقـه حنضلـه والله يعيـن

وصرت غارق في همومي وانقطع حبل النجاة=والوصل بيدك لوحدك كـان ودك توصليـن

فصدقيني صدقينـي كـل هـذي الذكريـات=كلها اسم ٍ كتبته فـي وسـط قلـب ٍ حزيـن
وسلامتكم

[الجويّر]

حزييييييييييييييييييييييييييييييييييييين صحححححححححححححححححححح لسااااااااااااااانك





الله لايهينك يامبارك على القصيده الجزله والابداع الجميل






تحياتي / الجويّر

[سعود الصباح]

وآتخيل انـك انتـي قطعـه لسكـر نبـات
ذابت وذابت وذابـت وانتهـت مـع السنيـن

صح لسانك وأحساسك


فعلا أبدعت

لاتحرمنا من جديدك


تقبل فائق الاحترام

[فلاح بن ملبز]

صح لسانك مبارك الرخيمى

ولاهنت

[بحوور]

مبارك الرخيمى



اللـــه عليـــــــكـ

صـــــح كــــــلك مليــــــــوون

ولاهنـــــــــــت ،،



أختـــــــكـ