هذى قصيده من قصائدى
حبيت انزلها عسى ان تحووز على رضاكم
عقب البطا لاقيت ضافى الجديلات=ياليتنا عقب البطا مالتقينا
سلمت وقلت لنور عينى سلامات=وش غيرك وش السبب ماتبينا
دنق وقال ارجوك انهى العلاقات=شى جرى ماعادهو فى يدينا
قلت السبب قال الليالى غريبات=انهى العلاقه واعتبرنا انتهينا
انا بحبل انسان ماهى دعايات=ارجوك ابعد خايف انه يجينا
طالعت فيه وهلت العين عبرات=فى ساعة" غصب علينا بكينا
حاولت اعبر عن هموم"خفيات=بس الحكى شيفيد مهما حكينا
كتمتهن بالجوف لوهن قويات=راضى على ماصار لو مارضينا
واخر كلامه قالى كم كلمات=لاتسيئ ضنك فيى غصب " علينا
ولف العباه وراح وانا بحسرات=فرقا جرت من غير ذنب" جنينا
وقفت اخايل غض الانهاد لحظات=فيهن تهدم كل شى بنينا
وقمت اتذكر كل شى لنا فات=قبل يتغير بالمحبه حدينا
ياما سهرنا بضلم الليل ساعات=وياما طلع نور الفجر مادرينا
وياما لنا فوق المراقيب ذكرات=وعلى جبال الزور ياما رقينا
وياما تحملنا الصعوبات مرات=وياما على سود الليالى شكينا
اقرأ الموادع بالقصص والروايات=لاشك ماضنيت بيصير فينا
وارجع واكرر كلمت لى بسكات=ياليتنا عقب البطا مالتقينا
وسلامتكم
العرض الشجري