السلام عليكم ورحمة الله وبركاته ...مساكم الله بالخير جميعا .
أهديكم هذه القصيدة الخفيفة إللي ماتخلا من بعض المزح والفكاهه .. فإذا أعجبتكم فهذا هو عز الطلب .. وإذا ماأعجبتكم فسامحوني على القصور ..
لا تعاتبني علـى أمـر(ن) بسيـط=وخلنا نسمعك مـن شعـر النبـط
والعبيط إللي نقل علـم(ن) عبيـط=خلـه بنـاره يـشـب ويختـبـط
كـل ماقالـه تـرى عنـي بقيـط=والله إنـي فـي هواكـم منضبـط
من بحر جدة إلى أقصى المحيـط=غير حبك في الحنايـا مـا شبـط
ياللي طيفك في ذرى عيني نشيـط=في عروق القلب طيفـك مرتبـط
أنتي توت القلب وغيرك قرنبيـط=أنتي بلبل .. وغيرك من البيض بط
لإن حسنك يا نظر عينـي خليـط=من جمال الشام وأوصاف القبـط
لك عيون كنهـا السيـف السليـط=والشفـاة تقـول للجمـر أنضبـط
لو لمحك البدر قالـك يـا خريـط=أعتلي أنتي وأنا في القـاع آهبـط
ياللي لا أقفيتي غدا لقلبي وغيـط=وإن تزايدتي علي خطر(ن) يبـط
أنتي حبك مسوي فينـي البطيـط=من حمانا إلى حماكم خن .. بـط
سولفي تكفين وسجي من السقيـط=وقولي قلبك بغير حبي مـا نبـط
وإن لفانا حاسد أقلب لي الشريـط=وبين إنك مـن هوانـا منحبـط
والعبيط إللي نقل علـم(ن) عبيـط=لو أشوفه بآعبـط وجهـه عبـط
وســــــــــــــــلامتكم
محمد العرجاني .
05-10-2005, 06:13 AM
العرض الشجري