للشاعر / بندر السميري

[فزاع]

اعترف اني من اكثر الناس متابعه للشعر ومواهبه ولايهمني ان اقرأ لشاعر معروف او قديم الذي يهم هو الابداع لاغيره ..فقد فتح مجال لي في رؤية شعر جميل واكشتاف مواهب ظلمت تمتلك موهبه حقيقه مواهب من المؤسف ان تكون بعيده عن ساحة الشعر الشعبي وصحافته المهم اني رايت من خلال المتابعه شاعر يمتلك في قصيدته الروعه والابداع هو الشاعر بندر السميري والذي استطاع بجداره ان يثبت نفسه ولكن الاعلام ظلمه وهنا تجد بندر في حالة ابتلا لذيذ بالشعر الى حد مناجاة الروح يقول من ضمن ابياته :

أه ياقلبي عسى ربي يعينك=ابتليت الشعر واتعبت الحكايا
صاحبك لو حب يبعد عن ونينك=هزه التحنان من كل الزوايا

ثم كان له مع الشتاء حكايه الى حد القصيد :

الشتاء ليله طويل وبرده اليا هب قاسي=وانت بأنفاسك لهيب الشوق يوم انا التقينا
ايه انا مركب غرام وجيت ادور لي مراسي=وارتميت بحظنك اللي ينتظرني وانت مينا
ولاتفكر كان شفت الشوق ولع في حماسي=تدري انه من ظروفك والغياب ابن اللذينا
والله انك غبت عني لين قلت اكيد ناسي=وقمت اعاني من غيابك بس تدري ماعلينا

وهنا تعتبر هذه القصيده والتي نشرت بالكامله في مجلة بروز من اجمل قصائده واروعها :

جيت يسبقني ظلام الشارع اللي تسكنينه=قلت افاجئ غايتي واظمها واكسب رضاها
انتظرتك تحت شباكك لعلك تفتحينه=وانكشف نور الصباح ولا روت عيني ضماها
شفت بابك من غيابك تشتكي لي قفلتينه=والبيوت اللي ملاها الحزن وش علمه ملاها
عانك اللي يالمشاعر والفؤاد الله يعينه=سافرت نبض الغرام وخلت حطامي وراها
سافرت كل الغلا زهر الرياض وياسمينه=واحرقت كل القلوب اللي تغذى من شذاها
انكسر خاطري فؤادي والعيون امست حزينه=للدموع وكل دمعآ هلته عيني فداها
قمت انادي مثل طفلآ ضاع يبغى والدينه=ضاقت اسوار البيوت وضاق بالدنيا رحاها
سافر الحزن وتمادى واتخذ قلبي سفينه=والغياب امواج بحر وسبة الرحله هواها
احضنه طيفك واضمه والمسه وامسح جبينه=وأساله ياطيف وش اللي على بعدي حداها
بشروا جدة واهل جدة ومكه والمدينه=جتهم اللي ماذبحني فالحياه الا غلاها
جتهم احلام القلوب ودرة العمر الثمينه=جتهم اللي كل شي يسكن احلامي معاها
ارجعي واخذي حياتي واخذي اللي تاخذينه=يكفي انواع العذاب نفسي ماجاها كفاها
ارجعي لعيون بندر طالبك لاتذبحينه=قبل تنهيه الهموم اللي لحق نفسه مداها
اتركي ذيك الديار وبحر جدة والمدينه=وارجعي لأجل الرياض اللي طغا الحزن بسماها

تلك كانت بعضآ من روح بندر التي لاتخلو قصائده منها واتمنى ان تنال اعجاب الجميع وسامحوني اذا وجد خطأ





ملاحظه : قرأت قبل فتره طويله في مجلة شعريه ان الشاعر تعرض لحادث مروري وانتقل الا رحمة الله ولا اعلم ان كان الخبر صحيح او لا