(( لو كان به قطرة حيا وسط دمّك ))

[عـزام]

ياوقت وش تخفيـه داخـل معمـك=ويش الـذى تخفيـه باقـي ولا زال
وياشعر وش خليت من شان أتمـك=وأنا أكتبك بإحساس نبضي والافعال
نقيت جـزلات الحـروف بمجمـك=وخليتك الشاهق على راس ما طـال
وأهديتك اللى صار .. جرحك وغمك=اللى قطّع فى وصلك أسباب الارسال
وين أنت ياللى تلفت العيـن يمـك=ياللى وصوفك غير عن كل الاشكال
شعرك .. عيونك .. غير خدك وفمك=تجعل رزين العقل فى حالـة أهبـال
العـام تفدانـى بخـالـك وعـمـك=وتمـد حبـك بـنٍ أشقـر بفنجـال
واليوم تـوه ..بيّـن الوقـت ذمـك=أثر الهوا فى دنيتك لعبـت أطفـال
ما بيّن بعينـك علـى كثـر نمـك=شيٍ كتبته فيـك وأصبـح كالامثـال
الغيـم نزلتـه بحـرفـي لشـمـك=وخليتك عن الكل بالوصـف تختـال
وأهديتنى عقب الغلا كـاس سمـك=وعلمتنى وشلـون هالوقـت ميـال
ما تذكر اللى عن همومـك يضمـك=وأهداك نبض الشوق دبله وسلسـال
تـدرى فـوادٍ كـان شوقـه يلمـك=أهديتلـه خنجـرك والغـدر قـتـال
وشلـون طبعـك للمفـارق يزمـك=تبغي الصراحه ما بقي شـي ينقـال
لو كان به قطرة حيا وسـط دمـك=ما كان تنشد وأنت غايـب ورحـال
تقول كيف الحـال وشهـو يهمـك=وشهو يهمك لأجل تنشد عن الحال
مـدام جنّـيٍ الـمـوادع يخـمّـك=إمّا تركتـك جنـب مانيـب رجـال

منقوول