عيــدية للجمهور والشعرا الأنقيــاء((يــــــااااامي فدااائي))

[سالم محمد اليامي]

سأحتض ببعض ابياتها اعذروني




صلو على النبي

بسـم الله الرحـمـن الرحـيـم


السلام عليكم ورحمة الله وبركاته

من هو نوى ياقف بدربـي بجبّـه=اقولهـا مادمـت يامـي فدائـي
اقسم قسـم بالله يصبـح مطبّـه=وانا ترى محبوب مانـي عدائـي
لاشـك نـاسٍ ماتعـرف المغبّـه=لعبو بطيبة قلب شاعـر روائـي
يعني بعض نـاسٍ منـزع ملبّـه=تفرح علي لامن درت بانسيائـي
الحمـد لله ماعرفـت المسـبّـه=الموت قول الصدق هـذا بلائـي
ياكثر شعار ((الزقـاره وحبّـه))=أهل الطريق اللي يجـي التوائـي
اعدا النجاح اهل الوجيه المظبّـه=قهرتهم لنـي رفضـت انحنائـي
ابـوي قـال اللـي يكبـك فكبّـه=وانا نويت اكب نـص اصدقائـي
وابوي قـال اللـي ينبـك فنبّـه=نبه ولو تعطيـه عمـرك نهائـي
ياأيها الجمهـور واغـلا الأحبّـه=فيك عوض قلبي وفيكـم عزائـي
والا العوض بلـي بقلبـي لعبّـه=اللي هواها صـار كـل انتمائـي
الجادل اللي مالـك الـروح حبّـه=بنت الشيوخ أهل الشيم والدهائي
نبض العـروق الدافيـه والمنبّـه=ونبض القصيد اللي يجي انتقائي
سلك الغرام اللـي عفيـفٍ مربّـه=بحرٍ تلاطم في محيـط ارتوائـي
زهره حديقه ((بابلي))فـوق تبّـه=من فوق عرش الحكم ماخذ ولاائي
شعر الفـرزدق لاكتـب يلتعبّـه=وتصريح ابن لادن بـردٍ جزائـي
مسامعي مـن صوتهـا تنطربّـه=وفي صوتها فنان شاعر غنائـي
هي ذوق قلبي هي جروحه وطبّه=صحيح تجرح بس فيهـا دوائـي
اسمـع حبيبـك ياحبيبـي ولبّـه=لب اللذي في الحب تـوّه بدائـي
صب الغلا لمعذب القلـب صبّـه=بموت منك ماوصلـت ارتوائـي
ولب الخفوق بنار قربـك وشبّـه=اسقه برشفة مـاء فائـك لفائـي
لاشفت عرقٍ مامتلى حيـل عبّـه=لين اشعر اني فوق خط استوائـي
ماكل ريحٍ صـوب قلبـي تهبّـه=بس انت ريحك شفت فيها وفائي
ودي بقلبك ((اسرقـه وانقلبّـه))=واموت انا ويـاه فـي دار نائـي
ياشامخه كلمـة وفـاء مستتبّـه=ماتنتقض مادمت تسمـع ندائـي
انتي جبل شامـخ ولحـدٍ يذبّـه=ماذبه الا بس ((يامـي فدائـي))

وســـلامـــتـــكـــم

الـــــــــــــراوي