ثـلاث أيـام كـن بيـن الظلـوع وخافـقـي زلــزال=لعـب فـي قلـبـي المستـوجـع وقـطـع عـراويّـه
ثـلاث أيـام .. مـا عـرف الرقـاد وعايـف المقيـال=وكـن كبـدي علـى ضـو لاهـي ميـتـه ولا حـيـه
ثلاث أيام .. وهجوسي على الماضي .. عرااااض طواااال=كبـر روعـة عزيـز جـاه علـم فـمـوت غاليّـيـه
ثلاث أيام .. وآنـا أنعـت علـى دمـع العيـون الشـال=مـدام عيونـي فساعـة مـمـات الـحـب .. طائـيّـه
أنـا مالـوم نفسـي .. لـو أشـوف الهيّنـات هــوال=ولـو تطغـى علـى وجهـي الهمـوم شويّـه .. شويّـه
ولـو آآصيـر وجـبـه دسـمـه لجـوّاعـة الـعـذال=مــدام إنــي سنـافـي وآآبـكـي بـنـت سنافـيـه
سنافيـه لهـا وســط الحـشـا مـربـاعٍ ومـنـزال=مثـل منـزال بـدوٍ جـوه عـقـب عسـاسـه ونـيـه
فـروضٍ زاد زيـن الـوان عشبـه صمـلـه الهـمـال=ومـن فقعانـه .. أصـغـر واحــد مـلـيٍّ مخابـيـه
لهـا فـي عينـي بحـور وغيـومٍ داكـنـه وجـبـال=ولهـا مـن حصـة التفكيـر !! خمـس الآف بالمـيـه
ولهـا عنـدي معـزه مـن كبرهـا ماهـي إب تنقـال=لأنــي لــو بغـيـت آقولـهـا بـآقـول ألـفـيـه
وأنا ؟! مافيّ حيل .. ولـو يزيـد الحـزن بـي مثقـال=ذره يمكـن أكتـب فــيّ قـبـل آآمــوت مرثـيـه
ولهـا حشمـة كبيـرٍ قـزّر سنينـه بــدون عـيـال=ربوعـه تحشـمـه .. وتجامـلـه بأتـفـه حـزاويـه
ولهـا قيمـه مهـي سلعـه .. عشـان آبيعهـا للـمـال=ولهـا قلبـي وأنـا قلبـي غنـي .. طيبـه .. وحنـيـه
ولها قدر . ولهـا عشـق مهـوب حكـا ولعـب عيـال=ولهـا شعـرٍ يبيّـض وجههـا ثــم وجــه راعـيـه
ولهـا وجـهٍ لـو يشوفـه رزيـن العقـل جـاه هبـال=مهـوب هبـال مـره وحــده !! بيخـلـف هقـاويـه
وجهها .. طاهر .. وبه خال . لكـن كـن مابـه خـال=يليـن تقـول وش رايـك بخالـي ؟! وأحسـن النـيـه
وجههـا بـه جمـالٍ بـاذخ .. يسمـى جمـال أطفـال=ولهـا نـابٍ صغيـر .. وشفتيـن .. صغـار ورديــه
ولهـا عنـقٍ أحنـه كــل مــا قلّـدتـه السلـسـال=أخـاف يجرّحـه .. ويحـط تحـت العـنـق مـاريـه
ولهـا قـد .. ماكـن وسطـه عظـام ومتـرف وميـال=يشـد ألانتبـاه .. مـن الخـصـال الــى مواطـيـه
الـى شافتنـي .. وشفـت الجمـال .. ودبـرت تختـال=غـدت كنهـا .. كنـوز مـن ذهـب .. وآنـا حراميـه
ولها صـوت صغيـر يجيـب كلمـاتٍ كبـااار ثقـااال=كأنهـا لاحكـت تلقـي قصيـدٍ مــا أنكـتـب زيــه
وحكيها لا إزعلت .. كنّـه قصيـده مـن خلـف هـذال=الــى قـدهـو أمــام كـبـار حـكّـام السعـوديـه
إذا به بنت !! في بعـض المواقـف عـن ميـة رجّـال=فهـي هـيّ .. وجمـل مدحـي علـى أفعـال مبنـيـه
ظحوك .. وما تعبّـر حـد .. ولا تسمـع حكـي جهـال=وثـلاث أرباعهـا عطـف .. وتـودّاد .. ورومانسيـه
(( ولكنها )) (( كـذوب )) وتبنـي فقلـب اليتيـم آمـال=وتلعـب فـي مشاعـر رجـل لـه قـدره .. وأنانـيـه
شكـوك .. وتدّعـي إنهـا تغـار ولا تطـيـل جــدال=ولا تظحـك معـي واجـد وأنـا أحسبـهـا سحـاويـه
قـسـم بالله إن حــن قــد تقاسمـنـا شــوي زلال=فــدارٍ جـعـل تطـبـق كــل أسقـافـه زوالـيـه
تقول .. أنا أكره الشخـص الكـذوب بسايـر الأشكـال=وتـدس السـم فالصـدر البهـيّ .. وهـي لهـا نـيـه
يليـن أقفـا بنـا ركـب الزمـان وشانـت ألاحــوال=وقـدّر ربـي إنهـا تظـهـر الـسـم الــردي لـيـه
أنا مدري شلـون أصبحـت خاتـم بيـد عشـق أنـذال=وأنا خاف الحبـل !! لأنـي لقصـت العـام مـن حيـه
جعل يسقى .. نهارٍ قلت (( أنتـي فـي صـدر جـال ))=وقالـت صـدق تعشقنـي ؟؟ وقلـت بطيبتـي ( إيّــه)
قبل لاعـرف إن حـب التـي حبيـت .. لعـب عيـال=وقبـل لا أحـس إن فـي كبـدي إمـن أفعالهـا كـيـه
وعسـى الله .. مايصغـر قيمتـي فـي نظـرة العقـال=ويرحـم كـل شخـص يعامـل النـاس بصفـى نـيـه
للشاعر/مشاري المري
09-11-2005, 11:04 AM
العرض الشجري