السلام عليكم جميعاا
اتمنى انهاا تعجبكم هالقصيده بصراحه كلهاا احساس
اخليكم مع معانيهاا وانتوو الحكم..
هلابك يالحبيب اللي كسى جو القصيد عتاب= سقى كل المشاريه وغفى جرحي من اسبابه
هلابك كثر مافز الخفوق الصادق لكذاب= هلابك دمعةٍ تسكن محاجر عين نحَابه
احبك وافدي بعمري ولو راحت عليك ارقاب= ولو راحت على شانك سنين الحب واتعابه
احبك كثر تشكيكك كثر ماجيتني مرتاب=كثر ظلمك كثر عدلك كثر تجريح تزهابه
ضميتك حيل ياغايب هويتك ياكثير غياب= نسيت ان الزمن لحن جروحي ثم تغنابه
نسيت ان الوفا طبع الكريم وعادة الاحباب= نسيت ومانسيت العن زمانٍ كشر بنابه
اذا شفت الغلا شيخِ حنى ظهره زمانِ شاب= قطعت اخر مشاوير الحنان وشرهة عتابه
واذا كان الشقى طفلِ نشا بين الضلوع وطاب= شربتك ياضما عشقي القديم ونفحة اطيابه
حبيبي والغلا رمحِ طعن صدر السنين وغاب= توارى وانتهى عصر الهموم وزاحت ركابه
حبيبي والبكا .. عبرة وداع ودمعةِ تنساب=شكت ضيم الزمان اللي منحني طعنة حرابه
تعال وخل هالدنيا نواوير ونفل واطياب= يداعب عطرها عمري ويطيب الجرح بأسبابه
وسلامتكم
الشاعر : سعد القاسمي..
عبرة وداع..
العرض الشجري