ابرحل والله العالم وش اللي بداخلي من شوق =وابطوي صفحة عيا زمان الجور يطويها
ابرحل تايه بغربه وطن مالي عليه حقوق = وطن وحدوده عيونك ودمع حاير فيها
ابرحل دمعة حارت من ادنى الموق لاقصى الموق = خذلها الوقت يوم انه حرمها من هقاويها
ابرحل واجمع الامي وابرقع ثوبي المشقوق = وابفهق عن دروب الشك رجلي قبل تمشيها
انا ادري ان الزمن قاسي واعرف اني بليا ذوق =ونفسي يوم ودعتك رمت في النار رجليها
عمر هالحب مايفنى مادامه في الحشاء مخلوق = ولو دنيا العنا جارت وورتنا بلاويها
ابنسى00 اه كيف انسى وانا اللي من زمن محروق = اكذب كان قلت اقدر انسى بعض ماضيها
الا ياحظي المقفي علامك للشقاء مطفوق = وانا طالبك لاتفتح لعيني سد واديها
ابنسى كيف والذكرى وسط قلبي تسوقه سوق = وهذا طيف عانقها وهذي رجفة ايديها
انا في ذمة الله ماعلي من الشقا والعوق = انا في ذمة الله لاقبض هالروح يحييها
جعل عين بكت للحب ابد ماتنحرق من موق = ولاتفقد ولوطالت لياللي الهجر غاليها
وعين خانت العشره عساها امر الولي من فوق = عساها في زمان(ن) دبرته ضاعت خطاويها
وابرحل والله العالم وش اللي بداخلي من شوق = وابطوي صفحة عيا زمان الجور يطويها
16-11-2005, 11:46 AM
العرض الشجري