أخترت لكم هذه الرائعه لسداح وتمنى ان تعجبكم مثل ما اعجبتني
يامسافره مع جنـاح الطيـر=
حسبي على الطير من هـدّه
ضفّك جناحـه وعيـنّ خيـر=
وحبـال الأشـواق ممـتـدّه
يابنت .. ما للسفـر تبريـر=
خصّـن ليـا طالـت المـدّه
انتـي تقوليـن جـدّه غيـر=
وانتي بعد غير عـن جـدّه ؟
جيتي بحرها وجـاك مغيـر=
مشتال موجـه علـى يـدّه
المـوج ودّه يضمّـك ميـر=
الـبـحــر .. ودّه ولا ودّه
يانفحـة الشيـح والنـويّـر=
سـداح بـاح الجفـا سـدّه
وش خانة الشعـر والتعبيـر=
أبنـي لـك البيـت وأهــدّه
دايم وطيفك ضحى واعصيـر=
يشـنّ هجـمـات مـرتـدّه
واليا عرض لي عكست السير=
وسيلّت دمعي على خـدّه !
الياس يقضى علـى التفكيـر=
وافزع ورا الصبـر وارتـدّه
وانـادي الحلـم للتفسـيـر=
ولازلت .. ولا زالت الشـدّه
من يوم كنتي وكنت صغيـر=
نضحك على العمـر ونعـدّه
واليا حصـل بيننـا تقصيـر=
نصـدّ .. ولا تبطـي الصـدّه
لين ابتدا الشيـب والتوقيـر=
وعلاقتـي معـك مشـتـدّه
محبّه .. وحشمه .. وتقديـر=
وانفاس واحساس مـن قـدّه
منتي على موجـة التغييـر=
يابنـت الأجــواد محـتـدّه
لقيـاك مـا تقبـل التأخيـر=
خصّـن بعـد طالـت المـدّه
وانتي تقوليـن جـدّه غيـر=
وانتي بعد غيـر عـن جـدّه
العرض الشجري