ماعاد يمدي يالغضي لو ترجيت = خلّ الرجا في مقبل ايامك السود
وفـّر رجاويـّـك ليامن توذيت = لامن سهرت الليل والعالم ارقود
وانا بجرح ٍ صار منك تداويت = والحمد لله طيب الاجواد مردود
انا عطيتك كل ماكان واوفيت = يوم انت جازيت العطا بعد وصدود
توّك تجيني من بعد ماتعافيت = خلاص والله جيّتك مابها فود
وين انت يوم اني عليك استخفيت = لين اعتزلت الخلق واصبحت مفقود
وين انت يوم اني من الدمع هليت = وين انت يوم الحال منّك غدا عود
رح لاتجي جعلك مع الليل مامسيت = ذوق المراره واحتسب هبّة النود
خلّك مع اللي في كلامه تصاغيت = واللي تبي مني فـ لاهوب موجود
خلّه يفيدك من عشانه تخلّيت = وان عاد جيتك لاتسميني سعود
وسلامتكم
الشاعر / سعود رتيبان الجويّر
العرض الشجري