|
اتلا العهد فيهم وهم راحلينا
يانور عيني بس كافي وتكفين = كفّي من النشده ولا تنشدينا
وعن الزعل والبرطمه لاتضيقين = كافي علينا الوقت ضايق علينا
حبك كبير بداخلي لاتحاتين = حبك كبير وزايد الحب فينا
دايم تصرّين وتلحّي وتبكين = كافي بكا يالغاليه وارحمينا
وقت ٍ مضا لاعاد صوبه تردين = بحب ٍ مضا مع ماضيات السنينا
هذا فعل ماضي وكنّا محبين = كانوا وكنّا 0 وانتهوا وانتهينا
اقفت بهم الايام مدري على وين = واتلا العهد فيهم وهم راحلينا
مدري معا الحيين ولاّ مدافين = واحبالهم متفالته من يدينا
ان كانهم حيين حنا عيوفين = ويرحمهم الله كانهم ميتينا
وانا بلياهم وديع العذابين = من كامي ٍ فيني تراني حزينا
وانتي بحبك في ظلامي تنورين = نور ٍ يشعشع بالغلا والحنينا
ارتاح بك قلبي ونامت بك العين = ياللي بك الاشعار هاضت علينا
افرحت قلب وعين كانوا حزينين = وروح ٍ بحرها مالقت فيه مينا
واللي مضا لافايد ولاتفيدين = ماراح راح وقولي الله يعينا
وسلامتكم
الشاعر / سعود رتيبان الجويّر
__________________
التعديل الأخير تم بواسطة الجويّر ; 05-12-2005 الساعة 04:54 PM
|
العرض الشجري