وعن حبة الساعد منعنـي نقدهـا

[@منسـ على ددسن ـــم@]

ياقبلـة الله يـوم فلـة جعـدهـا=يشدي لثعلٍ منتثـر مـن سحابـه
غطا الكتوف ولحف اللـي بعدهـا=ردفٍ رقيق الثوب الازرق رقابـه
وعن صدرها قامت تـرده بيدهـا=لو مايهاب مـن الـذراع التوابـه
ظلمـاً توهـاج المحيـا فـردهـا=بدرٍ شقر ستر الظـلام وسرابـه
والعين عين اللي سريـعٍ هددهـا=شيهانـةٍ تنهـب عشاهـا نهـابـه
في ظل رمشٍ سجدتـه لاسجدهـا=طرّح على الجفن المـورد رقابـه
وشفايف لافـرّزت عـن بردهـا=يعـض سابرهـا شفاتـه بنـابـه
بيضٍ يوايق مـن وراهـا شهدهـا=جايـد بجـوده مستحـقٍ شرابـه
والعنق عنق اللي تعّرض وحدهـا=في خايعٍ محـدٍ وطـاه ومشابـه
والوسط عودٍ ناحلٍ مـن جسدهـا=منتول مـن ثقـلٍ مضايـق ثيابـه
من حوضها الراهي يتلـه نهدهـا=الزامي اللي فيـه ليـن وصلابـه
ياليتها ماكان جـت فـي وعدهـا=ماكان صاب القلب منهـا صوابـه
بغيـت احييهـا وامجـد رغدهـا=وضاع الكلام ازريت لاقول جابه
قالت ورى حالتك مقفـي سعدهـا=اهدى وحضر للسـؤال الاجابـه
بلاك خايف؟ قلت وامـر وادهـا=الموت قابل لـي وعقـل ركابـه
قالت عسى عين الحسود لرمدهـا=عندي قرايه مـع شويـة طبابـه
وقرت بكلمـاتٍ مجـود عددهـا=ويدها على راسي سوات العصابه
ورفعت عيني للـذراع وهجدهـا=وازريت لاغظي بالنظر عن شبابه
وطرت لي الحبه وجلت لي جهدها=وذكرت سلم اهل الشّيم والمهابـه
وعن حبة الساعد منعنـي نقدهـا=وحبيت ، كفي ، دونها بالنيابه !!!

وسلالالالالالالالالالالالالالالالالالالالالالامتكم


راااااااااااااااااااااااااعي الددسن