اعزائي يسرني المشاركه في هذا المنتدى الشامخ وتلبيه دعوه كريمه وكمصافحه اولى اضعها بين ايديكم اتمنى ان تنال اعجابكم
لاياهجوس الشعر مانـي بشفقـان= يمن سحاب وبـرق والبـال يمنـى
من ضيقةِ في الصدر جريت الالحان= لا طاب لي خاطـر ولازان مغنـى
دنيا الشقا لو حطت الرجل نيشـان= يصبر على الشدات والـراس يفنـا
الوقت مانشكي من الوقـت لاشـان= لاقصى ولدنا تو لاقصى ولادنـى
شتـان مابيـن الرجاجيـل شتـان=احدِ صمد واحدِ من الوقـت مسنـى
للمجد رايـات. وللخيـل فرسـان=وللقـوم قـادات . وللحمـل متنـا
وللفعل مقيـاس . وللهرج ميـزان=وللعرف شيخان . وللطيـب مجنـا
الطيب في هافي المواجيب نكـران=والطيب في راع المواجيـب يقنـا
ياكم جميلِ فـي القريبيـن مابـان=لـو باجنبـيِ رد بالمثـل واثنـى
وراع الردى دايم بالافعال خسـران=وراع الوفا نال النواميـس مثنـى
الزود جهل . وتالي الزود نقصـان=وفي الجهل هفوات. وبالنقص غبنـا
العارف اللي يمتلك عقـل ولسـان=حسن اللباقه نطق. والعقـل وزنـا
مايستوي هرج على غيـر برهـان=ومايستوي قافِ على غيـر معنـى
وماينبني بيتِ على غيـر عمـدان=ومايرتفع قصرِ بلا سـاس مبنـى
قد قالها في ماضي الوقـت راكـان=ماقـل عـن مايكثـر ادل واغنـى
01-01-2006, 01:04 AM
العرض الشجري