بسم الله الرحمن الرحيم
هذه القصيدة للشاعر الكبير والمعروف والغني عن التعريف محمد الاحمد السديري
وهي من روائع بحور شعره العظيمة ومن فيض جزلاته العاطره اضعها بين ايديكم املا ان تحوز على رضى واستحسان الجميع....
وراك تورينـا الجفـا والقطيعـه
وحنالك اطوع من بنـان اليدينـي
نشري رضاك وكـل شـي نبيعـه وحيـاة ربٍ يبـعـث الميتيـنـي
ونمشي بشف ارضاك وامرك نطيعه اللي يصيبك عارف انـه يجينـي
لـو ان نفسـي للمعالـي رفيعـه بالعين اجلك جاعلك لـي ضنينـي
ايامنـا هـي والليالـي سريـعـه ومـازان بالدنيـا لـزوم يشينـي
الله كفيل الناس وارضـه وسيعـه عالـم خفايـا نيـة الجاحديـنـي
لابد من يـوم نشـوف الشنيعـه ونتبع طريـق اجدودنـا الاولينـي
الروح تبقا ليـن ياصـل وديعـه والاجل مكتـوبٍ بعالـي الجبينـي
نفسي لها عشرين عـام وجيعـه ويشهد علي ماقلت عوج السنينـي
الـى تبهـا نجـد واقبـل ربيعـه نشـوف شـيٍ فطَـن الغافلينـي
وبغضت شوف الناس جمعا جميعه وقمـت اتمنـا منـزل الفرقدينـي
من ربعنا الادنين شفـت الهزيعـه وقد قالوا النـاس المغطـا يبينـي
وشفنا الحقايق واكتشفنا الخديعـه لاشك ضـاع الحـق يالفاهمينـي
حقي غدوبه مبغضيـن الشريعـه غدوبـه الانــذال يالغانميـنـي
وبنيت رجم وقلـت هـذا مضيعـه حتى يعرفون الخطا الـلا حقينـي
لو هو بالايدي كان اخذته قريعـه غصبٍ على الحساد والمبغضينـي
وقمت اتذكر فعل راعـي البديعـه وقتٍ زمانـه شيـب المصغرينـي
رحم الله ابو زيد واسكنه فسيح جناته
وسلامتكم
04-01-2006, 03:32 PM
العرض العادي
